اهلي غصب يخلوني رفلا

لما كنت بنت كانت امي ترفض ادخل المطبخ
ولا عمرها نادتني تعلمني اكله
تزوجت وانا ما اعرف اسلق بيضه
وبعد 5 سنين زواج صرت فنانه الحمدلله
تعلمت من النت والكتب ووصفات الاهل
وصاروا الناس يمدحون طبخي الحمدلله
ماعدا اهلي
للحين حاطين ببالهم اني ما اعرف اطبخ
ما ادري هو شي نفسي والا ايش
يعني مثلا سويت كيكه اخذتها للناس
القاهم يمدحونها بقوووه ويطلبون الوصفه
ولو اخذها نفسها لبيت اهلي ماتعجبهم




واحيانا انام عند اهلي
واقول بسوي حلا للقهوه
ترفض امي وتروح المطبخ تسوي حلا
وتقول خلاص سوينا حلانا!




لحد يقول لي ادخلي بدون علمها
امي ماتحب وانا اصلا مدري وين الاغراض


المشكله ان امي وابوي يمدحون طبخ البنات
بنت عمي وبنت خالي الخ
وطبخاتهم اقل من العاديه
كيكاتهم يابسه وسلطاتهم تقليديه ومافي نفس
مع ذلك موصلينها للسماء


خالتي وبناتها زارونا امس على القهوه
تخيلوا قلت لامي انا علي الكيك
قال لا لاتسوين انا اللي بسوي كيك
وامي بصراحه فاشله بصنع الكيك
بس ماعمري قلت لها هالجمله
المهم
قلت اوكي بسوي بسبوسه كنافه اي شي
قالت لا لا لا مانبي نكثر حلا
وقالت اكيد بنت خالتك بتجيب حلا معها!!
طيب وليه دايما تطلعين بنتك مو سنعه


يعني انا سنعه عند اهل زوجي
ورفلا بعيون اهلي
ونظرتهم لي اني ما اعرف اطبخ!!




وعندي ابوي اذل شاف اي طبخه
اول شي يسأل: مين مسويها؟
اذا قالوا فلانه (انا) قال لا ما ابي ومشى!


ولو احد غيري بياكل بشراهه
انا لي فتره ملاحظه ومنقهره وساكته