تعالو يا بنات افيدكم مثل ما فدتوني (قصة ولادتي)

الحمل والإنجاب

كيفكم بنات حواء وشخباركم؟!!!
انا ولدت بتاريخ 24/4 يعني صارلي 20 يوم من ولدت وجيت احكيلكم عن ولادتي واحطلكم بعض النقاط اللي ممكن تفيدكم بالحمل والولاده

باليوم اللي جاني فيه الطلق حطيت بهالقسم موضوع اطلبكم فيه الدعاء لي لتسهيل ولادتي وانتوا ما قصرتوا حبيباتي بالدعاء فحبيت اشكركم ولو ان شكري لكم ما يكفي بس انا وعدتكم اني ادعيلكم وقت ولادتي لانه وقت استجابه ودعيتلكم وهذا اعتبره اقل ما يمكن لارد لكم جميلكم:26:

عالعموم ابتدى عندي الطلق الساعه 3 بالليل وانا ما كنت عارفه اذا طلق ولاده او لا لاني من دخلت التاسع وانا يجيني طلق ساعتين او ثلاث ويروح وانا كنت ذاك اليوم بنص التاسع لسه
واستمر معاي الليل كله وانا احوم بالبيت رايحه جايه وايدي على ظهري .. واللي يضحك ان بنتي (3 سنوات ) مانامت ذاك اليوم قاعده تحوم وراي وايدها على ظهرها << على بالها ألعب ههههه
وزوجي المسكين كان نايم وكل شويه يفتح عين ها اوديكي المستشفى اقوله لا لسه امكن يروح الطلق وعلى هذي الحال لين الساعه 8 الصباح اشتد معي الطلق كثييير وصار بين كل واحد والثاني حوالي دقيقتين قلت خلاص اكيد ولاده
صحيت زوجي واتصلت بامي عشان ناخذها معانا وخذيت شنطة المستشفى واول ماركبت السياره راح الطلق !!!!!:ohmy:
انا عاد اقتهرت يعني هالوجع كله بالنهايه ما في ولاده؟!!!!!
قلت لزوجي خلاص بنزل ماني حاسه باي وجع قال لا لازم اوديكي المستشفى عالاقل تتطمنين ونفس الكلام قالته امي وانا مفتشله حدي رايحه للمستشفى انا وعفشي وبرجع منه انا وعفشي بدون البيبي والله فشله:unhappy:
المهم لقيت قسم الولاده كله مليان حريم بيولدون والله شي غريب كان حريم المدينه كلها بتولد ذاك اليوم تصدقون حتى مالقولي سرير يكشفون فيه علي
عالعموم شفت الوضع على هالحال قلت احسلي اروح العياده عند دكتورتي اللي اراجع عندها تفحصني وتطمني
ورحت لها لقت عنق الرحم مفتوح 4 سم بس هي بعد دخلت ايدها وحاولت توسع حتى صار 4 ونص بعدها رديت البيت وكان قريب الظهر قلت استغل الفرصه وانام خاصة ان الطلق لسه بارد عندي وفعلا نمت حوالي ساعه بعدها من صحيت وانا اقري ادعية واذكار تسهيل الولاده وكل شويه اقرا سورة مريم او يس او الزلزله او ال عمران واشرب ماء النارجيل واشرب حليب ساخن مع السمن البلدي ومليت البانيو ماي ساخن يلسع وجلست عليه عشان يريح عظلات الرحم وهذا الشي نصحتني فيه الدكتوره تقول زين الوحده تسويه من تدخل التاسع..... المهم اتصلت فيني الدكتوره بعد المغرب تقولي تعالي افحصك ونشوف الرحم اذا انفتح زياده او لا
ورحت لها ولقته مفتوح حوالي 5 سم وبعد الدكتوره ما قصرت دخلت ايدها وجلست توسع اكثر وصار تقريبا 5 ونص او اكثر يعني قريب لل6 بس هالمره الالم كان فضيع وهي توسع حتى كلمة فضيع ما توصف الالم صح !!!!!
وعلى طول رحنا للمستشفى ومعي امي ودكتورتي ودخلوني غرفة التوليد وفكولي الماي كانت الساعه 8 ونص بالليل ...قاللتلي دكتورتي اتوقع انك تولدين عالساعه 10 ان شاء الله يعني كلها ساعتين بالكثير وراح تولدين ....
المهم من فكولي الماي وانا ابتدى عندي الطلق وكل تقريبا 5 دقايق يحمى ويشتد لين صارت الساعه 10 مثل ما قالت الدكتوره وبديت بالدفع ..راحت دكتورتي تنادي عالممرضه عشان تولدني قالت
الممرضه لا بعد مافي ولاده << هنديه الاخت
تقول الساعه 12 بتكشف علي >> امحق ممرضه وامحق مستشفى
وانا ادفع بولد خلاص ..نادت دكتورتي عليها ولما شافتني من تحت قالت مافي ولاده مافي بيبي ....تخيلو ذيك اللحظه حالتي النفسيه اشلون عامله ...حسيت نفسي خلاص بموت وانا ادعي يالله هونها علي يالله هونها علي ....وبالمره الثالثه صرخت فيها دكتورتي بالقوه وهاوشتها ..فلما الممرضه شافتني من تحت اقتهرت لان راس الطفل بدى يطلع فصرخت فيني دونت بوش مافي ادفع << الغبيه اصلا اشلون ما ادفع هالشي غصبا عني والطفل خلاص بيطلع وهي قصدها عشان تلحق تقص قبل الطفل ما يطلع ويالله بسرعه حتى لحقت تقص وطلع الطفل:icon28:
يالله لك الحمد والشكر ملئ مافي الارض وملئ مافي السماوات وملئ ما بينهما من شئ بعد
الحمدلله الحمدلله الحمدلله

هذي قصة ولادتي والحين خلوني اذكر لكم بعض النقاط اللي استفدت منها علها تفيدكم

1-في حملي واظبت على قراءة الادعيه والاذكار والسور اللي تساعد على تسهيل الحمل والولاده ..خذيتهم من هالمنتدى وطبعتهم بشكل منسق باوراق وخليت الاوراق قريب علي كل ما تذكرتهم جلست اقرا فيهم ...
2-فيه وصفه خذيتها من احدى الاخوات بهالمنتدى جزاها الله كل خير وهي عباره عن
كوب حليب +ملعقتين عسل+شوية قرفه+شوية قرنفل+ربع كوب زيت السمسم
تاخذين هالمقادير وتحطيهم عالنار لين يغلي الحليب وتطفين النار ولما يصير دافي انخليه واشربيه ...هالوصفه تاخذيها من تدخلين التاسع كل اربعة ايام مرة ..تساعد على تخفيف الم الطلق وتفتح الرحم
واعتقد بسبب هالوصفه برد عندي الطلق بالرغم ان الرحم كان ينفتح عندي طبعا هالسبب بعد رحمة الله جل شانه
3-المشي يا بنات هالله هالله بالمشي من تدخلين التاسع ابدي بالاول باللي تقدرين عليه وكل يوم زيدي المده لين توصلين نهاية التاسع خلي مدة المشي ما تقل عن الساعتين ...لا تقولين ما اقدر على قولة الدكتورة خلي دلع البنات وامشي عدل...واللي خلاني احرص عالمشي هو اني مشيت عدل في حملي الاول حتى اني من كثر ما امشي كانت رجولي ما تشيلني بالنهايه بس عند ولادتي والله من دفعه وحده انقذفت بنتي مني مسافه ما شاء الله ..اما بحملي هذا ما هتميت ابدا بالمشي ويا دوب مشيت 3 مرات بس وعند الولاده تعسرت شوي عند الدفع وما طلعت بنتي بسهوله
الخلاصه من هالنقطه ان المشي بقوي عضلات المهبل وعضلات الرحم ويساعد عن الدفع
4-هذي النقطه محرجه والله بس بقولها عشانكم وهي عن ماء الرجل...مثل ما انتم عارفين انه يساعد على تسريع الولاده فما اوصيكم من تدخلون التاسع كثروا من هالشي وعلى فكره انا قبل ولادتي ب10 ايام كنت نايمه عند اهلي لاني كنت حاسه بارهاق وتعب ورجعت البيت بنفس الليله اللي جاني فيها الطلق << اكيد عرفتوا ليش؟!!!والله استحيت:35:
5-اذا كان عندك طلق وانتي تبغين تروحين الحمام تذكري نقطه مهمه وهو انك تعمليها بين الطلقه والثانيه يعني اذا جت الطلقه حاولي ما تعملي شي لانك راح تحسين بالدفع وراح تتعبين
6-بالنسبه لألم الولاده ترى الحاله النفسيه الجيده تساعد على تحمل الالم ...فتذكري انك عند الولاده تعتبرين افضل من المجاهد اللي يجاهد بمعركة في سبيل الله وان مع كل طلقه تمحى عنك ذنوب حتى اذا ولدتي صرتي خاليه من الذنوب مثل ما ولدتك امك يعني صرتي انتي والبيبي سوا ههههه:baby2: ......فدايما خلوا لسانكم رطب بذكر الله وبذكر اسمائه الحسنى والدعاء والتضرع له لان هو الوحيد القادر على كل شي وباقي الاشياء ما هي الا مجرد اسباب لتهوين الولاده
وتذكروا هالدعاء عند الطلق وعند الولاده " اللهم يا خالق النفس من النفس ويا مخلص النفس من النفس ويا مخرج النفس من النفس خلصني" هالدعاء قاله سيدنا موسى عندما مر على بقره تعسرت ولادتها فقالت له يا كلمة الله ادعوا الله ان يخلصني فذكر هالدعاء فتيسرت ولادتها وخرج وليدها
7-بالنسبه لمعرفة جنس الجنين وقت الحمل ...صدقوني يا بنات ان حملي هذا وحملي اللي قبل كانوا مختلفين عن بعض من جميع النواحي وفي الحملين جبت بنت يعني التغيرات اللي تطرأ عالحامل مالها دخل بجنس الجنين..فحملي الاولي احلويت فيه وصفى وجهي وشعري كان بأحسن حالاته وبطني كان صغيرون ورافع لفوق اما حملي هذا فتبهذلت وامتلى وجهي حبوب وتساقط شعري بشكل فضيع ورقبتي وجسمي اسمروا وبطني صارت اكبر ونازله لتحت
بس في كل الحملين جبت بنت
أما الطرق الثانيه كلها جربتها ما صدقت معاي إلا طريقتين هي مفرق الشعر <<دائرة الشعر اللي تكون ورا الراس ونقطة الحليب من الثدي في كوب ماي


بصراحه كان في بالي شغلات كثيره كنت حابه اكتبها بس الحين ما تحضرني او بالاصح تعبت من الكتابه:biggrinlo هههههههه

يالله يا بنات اخليكم ترى صدق ايديني تكسروا بالرغم اني حاولت اختصر قدر الامكان ولا تنسوني من الدعاء ان الله يبارك لي في نفسي وزوجي وبناتي وبعد ادعولي اني اطلع عروسه بعد الاربعين <<وحده داخله الاربعين بحماس:42:
49
22K

يلزم عليك تسجيل الدخول أولًا لكتابة تعليق.

تسجيل دخول

أم عطاء
أم عطاء
لولولولولولولولوليش....................مبروك ماجاكى حبيبتى
"بورك فى الموهوب وشكرت الواهب بلغ أشده ورزقت بره"
&سهام الود&
&سهام الود&
ما شاء الله تبارك الله

والف الف مبروك ويتربون في عزك وعز ابوهم يارب

تصدقين كل ماشفت موضوع لوحده والده على طول افرح وافتحه

لكن بعدها بساعه يجيني خوف واقرر ماقرا اي موضوع ثاني يخص الولاده

لاني جبااااااااانه واتاثر بسرعه واحط نفسي مكانها

الله يسهل علي وعلى كل الحوامل يارب



حبيت اسئلك((الدكتوره ليش مو هي اللي تولد ليش تنادي الممرضه مو دافعه لها فلوس ))((والا جايبتها عشان الخياطه بس ؟؟
&سهام الود&
&سهام الود&
نسيت ادعيلك


يالله يارب انك تطلعين احلى عروسه بعد الاربعين وطول حياتك يارب

وتكونين مثل الغزال بعين زوجك ياحي ياقيوم


ويحفظلك بناتك من كل مكروه
ويسخرلك زوجك يارب
ورد الظل
ورد الظل
الف الف الف الحمدلله على السلامه يا همس البتول ويبارك لك بنوتك وتتربى بعزك انت وأبوها ويجعلها من مواليد السعادة، بس شو سميتها لبنتك؟؟؟؟؟؟
همس البتول
همس البتول
الف الف الف الحمدلله على السلامه يا همس البتول ويبارك لك بنوتك وتتربى بعزك انت وأبوها ويجعلها من مواليد السعادة، بس شو سميتها لبنتك؟؟؟؟؟؟
الف الف الف الحمدلله على السلامه يا همس البتول ويبارك لك بنوتك وتتربى بعزك انت وأبوها ويجعلها من...
ام عطاء
الله يبارك فيكي حبيبتي وشكرا عالدعوه الحلوه

سهام الود
الله يبارك فيكي ولا تخافين حبيبتي ولا تفكرين بالولاده هي كلها ساعات بإذن الله صحيح راح تتعبين فيها بس لما تشوفين طفلك بين ايدك راح تنسين تعب الولاده والحمل إلا راح تنسين تعب حياتك كلها ههههههه:42:
بالنسبه للدكتوره هي دكتوره بعياده خاصه وانا ولدت بمستشفى حكومي يعني مالها دخل تولدني ولا راح يطردوها شر طرده بس هي راحت معي لانها تعتبرني مثل بنتها وتهتم فيني هذا غير ان العياده اللي تشتغل فيها عيادة والدي
وشكرا يا حبوبه عالدعوه اللي اكثر من رائعه << صدق محتاجتها

ورد الظل
الله يسلمك يا حبيبتي والبنوته سميتها البتول على لقبي :) عجبني بهالاسم معناه الجميل ومعناه الطاهره الشريفه العفيفه العذراء