وردة السياج @ord_alsyag

عضوة

زوجي والماسنجر ؟؟؟يارب افتح الخير والسعادة على من فتح موضوعي ورد برد يطفي حرةقلبي

السلام عليكم ورحمة الله ..
أنا ماطرحت مشكلتي هنا إلا إني حسيت منكم الطيبه .. والكلام الحلو .. من خلال ردودكم على المشاكل إلي بالقسم .. قلت عسى فيكم من ترد علي برد يبرد الحره إلي بقلبي .. ويخفف علي مصيبتي ..
المشكله :
زوجي يحب شي أسمه سوالف مع البنات .. في الماسنجر وفي الجوال .. وكم مره من تزوجته .. ربي يفضحه قدامي .. ويتوب ويرجع ..زعلت .. تركت البيت .. طنشته .. كل شي سويته .. والله ما فيه فائده .. آخرتها والله أمس توني راجعه من السفر ..وأنا كنت مسافره مع أهلي .. وأهو جالس لأن عنده دوام .. فتحت الكمبيوتر على المحفوظات المحادثات .. ولقيت البلاوي .. أنواع السوالف.. مع البنات .. حسبي الله الذي لاتنام عينه ..المشكله كم مره تاب من ذا الشي قدامي ويرجع ..أنا إلى ذي الساعة زعلانه ما لي خلق أكلمه .. والله عفته وعفت الدنيا .. مشكلتي عيالي ولا والله كان أتطلق منه وأرتاح ..
والمشكله الثانيه .. يحبني ويحلف ويقسم إنه ما أحد يقاسمني الغلا والحب بقلبه ..وهو أصلا قلبه طيب وحنون علي ومدللني .. يقولي هذي طيشة شباب وادعي لي بالهداية .. طيب طيشة شباب على حسابي .. وحساب سعادتي ..
حتى كل شوي مكلمني يتأسف .. ويواعدني بأنه يسفرني .. وبيشتري لي .. وبيدلعني .. بس أحس أنه كذذذاااب .. طيب ليش يقول كذا وهو يعاكس بنات ..؟؟ أحس أنه انسان متناقض..
والله اليوم كلمني ورديت عليه وأنا أبكي .. وجلس يبكي معاي .. يقول خلاص إنسي إلي صار .. وأنا وربي ما اقدر أنسى الخيانات ذي .. والله ما أقدر أطيق أحاكيه .. ولا أسمع صوته ..
يارب توفق من ترد لي بحل .. يبرد حرتي .. ويسخر لها كل أمر عظيم .. يارب ..

169

يلزم عليك تسجيل الدخول أولًا لكتابة تعليق.

تسجيل دخول

باكر أجمل • 14 سنة

اااااااااااااااااااااااااااااااااااااااب

جسر الزمن • 14 سنة

حبيبتي انتي عملتي اللي عليك بس عطيتيه وجهت مظرج اشتغلي علي نفسج اهتمي اكثر باناقتج عشان ما يقدر يطالع لغيرج او يفكر والله هذي افضل طريقه لج ولا تشيلين حقد عليه عشان تكملون هالحياه بدون مشاكل والله يهديه لج

مليحه 2 • 14 سنة

الله يعينك على ما ابتلاك
بس اختي لازم توقفينه عند حده
لان مثل هذي الامور تأثر على حياتك وما راح تستمرين معاه اذا استمر على المغازل

وردة السياج • 14 سنة

طيب علومني كيف أوقفه عند حده .. وشلون ؟؟؟؟؟؟؟؟

مي 78 • 14 سنة

جسر الزمن :

حبيبتي انتي عملتي اللي عليك بس عطيتيه وجهت مظرج اشتغلي علي نفسج اهتمي اكثر باناقتج عشان ما يقدر يطالع لغيرج او يفكر والله هذي افضل طريقه لج ولا تشيلين حقد عليه عشان تكملون هالحياه بدون مشاكل والله يهديه لج

حبيبتي انتي عملتي اللي عليك بس عطيتيه وجهت مظرج اشتغلي علي نفسج اهتمي اكثر باناقتج عشان ما يقدر...

حبيبتي انا احس زوجك يحتاج الى تغيير من الداخل
يعني هالشيء يعتبره هوايه
مثل مدمن السجاير و المخدرات و الكحول يعرف انها مضرة و يعرف انها حرام لكن ما يقدر يخليها
يبغي لزوجك هزة من الداخل
اقطعوا النت من البيت ليش لا
حاولي تشترين له اشرطة دينية
اعطيه كتب
اطلبي له الهداية في صلاتك
اكثري الأستغفار
الله يوفقك