بنات لحقوا علي رجولي اتشوهت والسبب .................؟؟؟

بنات لحقوا علي رجولي اتشوهت والسبب مركز الطبابة

كيف حالكم حبيابي انشاالله بخير
حقولكم ايش حكايتي اخدت فتره اشيل شعر رجولي بالموس
وفسارت بعض الجروح الخفيفه فرحت
لمركز الطبابة التخصيصي بجده ولمن شافتني الدكتوره قالتلي لازم نعملك تقشير 70%
تقشير بأحماض الفواكهه وعملتو ويارتني ماعملتو بعد يومين
من التقشير جاتني حكه مو طبيعيه لدرجه انو كنت اقوم من النوم ابكي
من كتر الحرقان :icon33: الي كنت احسو برجولي
وسارت رجولي مره مجرحة وفيها زي الخطوط كانو احد جابلي
مشرط وجرحني برجولي سارت خطوط على طول الساق ومجروحه :(
فرحت لدكتوره وطبعها انفجعت بس مابينت في البدايه قالو واعترفو
انو الغلط منهم وانا كنت حاسه انو الدكتوره اول مره تسوي تقشير وحطتو ليا 10 دقايق
وقريت عندكم في المنتدى انو التقشير باحماض الفواكهه مايكون اكتر من 3_4 دقايق ولا الجلسات التانيه كانت تخلي 20 دقيقه سرت فار التجارب حقهم ربنا لايسامحهم
دنيا واخر المهم لمن شافو الي سار قالو راح يعالجو ومن كتر انهم واثقين من نفسهم قالو انو راح ترجع رجولي احسن من اول و حنرجعلك فلوسك دافعتلهم فوق 5000 ريال وسرت ارحلهم كل تلاته ايام
ويحطلو من الحمض وقعدت شهرين على دا الحال وكل مايمر شهر يقوليلي خلاص انشا الله الشهر الجاي وعلى دا الحال الين طفشت ولمن ماراح الي
فرجلي والجروح سارت سوده قامو نكرو كدا شغل عيني عينك حروقلي قلبي :icon33: :icon33: ولا كمان مارجعولي ولا ريال يعني كدب عيني عينك
والمشكله ملكتي بعد شهرين ورجولي الله لايوريكم صارت كلها جروح
من جد تفجع وماني عارفه ايش اسوي فياريت يابنات
اللي تدلني على مركز او مستشفى جلديه بدبي لاني بعد اسبوع
رايحه دبي او سمعت انو كويس تقولي علي ولها مني والله ادعيلها
وقت الاذان الفجر الزوج الصالح والعيال الصالحين ويسعدها ربنا في الدنيا والاخره

بناااااااااااااااااااات بليز انا عارفه اني طولت عليكم بس ماعندي احد غير الله ثم انتم الله يخليكم
لاتكسفوني وكمان نصيحه
الي تبغى تسوي تقشير تروح عند دكتوره واثقه فيها عشان لايصيرلها الي صارلي :(