هل أنا ظالمة أم مظلومة ..؟

السلام عليكم ورحمة الله وبركاته

الشخص قد يحكم لنفسه بإنه ع حق ويقتنع بهالشيء عشان كذا حبيت اطرح مشكلتي واشوف نصايحكم
هل انا مظلومه ف أصبر واذكر نفسي بحديث الرسول صلى الله عليه وسلم (إن الله ليملي لظالم حتى اذا اخذه لم يفلته )
أول زواجي والله ياخوات عاهدت نفسي اني ماتمشكل واني اصبر على اذى الغير وغيرت من طبعييييييي كثير قبل كنت عصبية وماينقالي الكلمة : )

المهم سكنت عند اهل زوجي بشقة ودرج خارجي وفيه باب ع درجهم لو بنزل لهم
من اول زواجي

كانت تناديني ام زوجي شبه يومي وكانت ماتترك احد بحاله وماتجيب الا اللي يغث مرات عن الحمل
مرات تسب اهلها وتحكي عن اهلي وكنت اقابل هالحكي بصمت او بدون تعليق

واحاول اقلل من نزولي

حملت من 3 شهور من زواجي يعني كويس كانت تغثني هاذي طالعه ع امها ماتجيب الا بنات طبعا هالحكي لزوجي :)
المهم صارت مشاكل وعديتها من طيب نفسي وحتى ماخسر زوجي

للعلم زوجي شخصيته مهزوزه والام متحكمه بكامل العيله وعشانها مقاطعين خوالهم وعمامهم
كانهم مقطوعين من شجره محد يشركهم لابفرح ولابغيره .

نجي للمشكلة

ولدت لثامن من مشاكلي معهم ومع زوجي

جت بنتي ورجعت لشقتي ومن الطبيعي يقل نزولي لهم وهم مايسالون

لين جاء يوم تهاوشت مع زوجي وكان قبلها نازل لاهله ووجهه متغير واعرفه اذا سامع كلام يغث
وصل ان امه دخلت لشقتي وجلست تسب وتسخط وتبلتني وقالت كلام ماينقال عني حتى جابت طاري ابوي وهو ميت :(
والله يابنات وش ردي عليها الله ياجرني بمصايبي وفوق هذا هي اللي تصارخ وجاء زوجها
وقال هذي طويلة لسان وقال كلمة وصخه عني

انا خذت بنتي وطلعت لهلي طبعا ماوراي سند

المهم جلست حول السنة ومابي الا الطلاق
ماصرف ع بنته ورفض اخذ اغراضي وهي تمشي وتتكلم عني وجاني كلام منها وربي يابنات
ظلم وافتراء وبهتان واني حارمتها من بنت ولدها وووووو
واني وسخه وماعرف اشتغل ولا اطبخ

طبعا الحمدلله انا من يومي كلمن اكل طبخ مدحني ونظيفه

انا طول هالسنة ماتكلمت ولا قلت بهم ومابهم ولااحد يدري وش سبب المشكله ولاعيبت ع زوجي

وكلت امري لله

المهم صاروا يركضون يبون ارجع وراحوا لكبير من خوالي ورجعت
ماشفتها ولا احد منهم والسكن عندهم
صحيح انقطعت علاقتي بهم
لكن اذاها واصلني ولازالت تحرض زوجي وتنزل بنتي لهم وماياكلوها الا شوكلاته لاني مانعتها عنها
وهي عارفه اني مابيها تاكل الاشياء اللي تضرها والعاصير اللي كلها سكر

وهو لقام وجلس قال الغلط منك واهلي قاموا بك وانتي ماتبينهم
وجواتي قهر انا من تزوجت كنت اقول قم بهلك وخوالك وعمامك
اللي مابه خير لهله مابه خير لي

بس هي سوت هالسوايا تبيني مثلها منبوذه من اهل رجلها وبنتها مثلها المتزوجه :/

وهو عنده اقتناع تام ان اهله معهم حق ..!

قبل 3 اسابيع كنت صاعده مع درجهم لان درجي خربان وصار وجهي بوجها
والله يابنات كنت بقول السلام لاني ع نيتي وقفلت الباب بوجهي كل قوتها وانا اكمل طريقي

قلت لزوجي عدل درجنا وقلت السالفه وتهاوشنا وقال العيب منك تبين امي تقول تفضلي بعد سوياك
قلت وش سواياي هههههههه ومايرد

والان خاصرته وانا حامل وحملي يبيله راحه تامه واخذ مثبتات

هل انا ظالمه فاتوب لربي من سواياي ولا مظلومه ونتظر فرج ربي