هل انتي من مؤيدي الخدم ام لا ...

انا ماعندي خدامة
والحمد لله قادرة انظف بيتي ومنظمة وقتي ومافي تعب
سبق وجبت شهر مارتحت ماقدر البس اي شي وﻻاخذ راحتي ببيتي احسي اني مراقبة

انا حاليا عندي خادمه , لكن مش مرتاحه لها ولا لنظافتها , قبل ماتجيني كان بيتي نظيف , وعيالي أهم شي عيالي كنت مسيطره عليهم , لكن الحين مشاكلهم وااااجد وهي تراقب كل حاجه تخصني وتخص زوجي بالبيت , وشكلي بسفرها .

ماعندي ..
ولا احب الخدم ، يعني لو نظفت او غسلت صحن راح اغسل وانظف وراها لاني اتقرف سبحان الله مااحب كذا
والشيء الثاني اخااف على اطفالي من كثر مانسمع
ف ماندري عن الحياه المستقبليه لو احتاجها من غير شر لكن الله لايحوجنا لها
ومن ناحيه قادره او ماني قادرت ع البيت والتنظيف ف الحمدلله قاادره واحس بمتعه وانا انظف..

ماحبهن ولا احب طاريهن ولو ما الحاجه الناس ماتجيبها


وهي حلاتها اذا صار البيت كبير والعيال كبار وكثار


اما الي بيتها شقه وعيالها صغارر وش تبي فيها اذا مب موظفه طبعا


اما المووووظفات الله يعينهن

لا اويد وجود الخدم
اخدم نفسي والله يكتب الاجر صحيح انه تعب لكن الله يعين ...