اسعد الله ايامكم ياقمرات ياحواءات ...
بما اني وحده من حواءات المنتدى الي استفادت من طرح الاخوات لعلاجات الشعر او البشره فصراحه انا كنت حقل للتجارب لاي تجربه تقريبا تطرح يعني مغامره جدا وترا اجرب الخلطات وانا من النوعيه الصبوره الي انتظر واذا ماشفت نتايج غيرت لتجربه اخرى حتى وجدت عناياتي خاصه بشعري والحمدلله مستمره عليها لي سنه تقريبا متبعه البرنامج مع اكيد الاهمال بعض الاسابيع بحكم اني مراه متزوجه وراعيه بيت ..
مالكم بالطويله بكتب لكم كيف اهتميت بشعري .. والاغراض الي بتحتاجونها بس لاتنسوني بدعواتكم لاني مابخلت عليكم بطرحي لتجربتي
..استعمل خلطه الاخت حور الجنان الله يجزاها كل خير مرتين بالاسبوع يوم الاثنين والخميس
وبعدها واغسل شعري بشامبو ميتال الاندونيسي طبعا العلبه خالطه معها فنجان عسل طبيعي ميه بالميه..
وبعد ماغسل الشامبو اجفف شعري بالمنشفه واحط ماسك من الفيف لوريال لشعر املس او نعومه فائقهه روعه صراحه واخليهم نص ساعه وبعدها اشطفه بمويه وانا اسشتور شعري ماكذب عليكم ويصير شعري مهفهف ..
.. الايام الباقيه يميا احط ماء الاس واكليل الجبل واخليه كذا 5 ساعات على حسب خروج زوجي وساعات اخليه يوم كامل واشطفه بماء واحط بلسم من الفيف او هيربال كونزيل مجدد الشعر بسرعه افركه بالمويه واشطفه بس ... يوميا عدا الخميس والاثنين احط الماء قبل الزيوت بنص ساعه واترك شعري ينشف بعدين احط الزيوت
والكريمات استعمل بانتين الذهبي للشعر النالف وزيت الاسايا روعه كم نقطه وافرك شعري فيها ...
واي استفسار انا حاضره .
وترا على فكره شعري تغير كثير وطال وماشاء الله لاقوة الا بالله ولون شعري مصبوغ اشقر اصبغه كل بين 4 شهور ولله الحمد وماشاء الله وشعري مازال حلو لاني مهتمه فيه وبس دعواتكم
انا الشمس والقمره @ana_alshms_oalkmrh
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ماء الاس واكليل الجبل اطحن العشبات كل وحده لوحدها واخذ ملعقتين من كل عشبه واحطها على 2 كاس ماء واغليها دقيقه واطفي النار واحطها بالثلاجه يوم كامل بعدها اصفيها بمصفاه واحطها بعلبه واقطر بشعري كله يوميا