قصة طلاقي .. شوروا عليّ

الأسرة والمجتمع

السلام عليكم ورحمة الله وبركاته ...
كيفكم بنات ،، سالفتي راح اكتبها باختصار .. ويااااليت أهل الرأي والحكمه فيكم تشور عليّ ..

أنا تزوجت من سنتين وخلال السنه الاولى كانت حياتنا عاديه ومرتين صار فيها زعل كبير لدرجة أروح لاهلي وفي كل مره كان بايع مو هامه بس من اجبار اهله يرجعني ، وبعد سنه من زواجي تطلقت الطلاق الاول من سبب تاااافه ومن تفاهته ماأتذكره والله .. 
طبعاً بعد الطلاق هذا تعبت لاني كنت أحس نفسي لسى عروس وماتهنيت معه .. دقت عليّ خالتي وخالته بنفس الوقت وقالت لي فلان كلمني ويقول بيرجعك بس هل بترجعين مره صالحه !! 
مع اني والله كنت معه كويييييييسه من جميع النواحي بس انو مايبين في عينه ولازم أكون انا الغط وهو الصح .. 
رديت عليها وقلت ايه ماعندي مانع .. لحد يلومني لان نفسيتي كانت تعبااانه .. 

بعدها لما عرف اني وافقت ارجع له ..وقبل لايرجعني .. سافر اندونيسيا هو وأخوه وبعدها راح البحرين وبعدها رجعني بزن من أهله ...
رجعت له وانا عارفه والله اني أهنن كرامتي ومااحترمت ذاتي .. بس كنت ضعيفه من طلاقي الاول ... لما رجعني جاسنا مع بعض وحياتنا هاديه ومستقره وبعد 9 شهور فقط لااااااغير طلقني الطلاق الثاني وبسبب كمان تافه ، اللي هو انه مد يده عليّ للمره الثانيه( المره الاولى قبلها باسبوع )  المهم علمت أخوي لان يده أخذت ع الضرب  ولما جاء أخوي يتفاهم معه والله تفاهم مافيها عنجهية أو هجوم قام وطلقني قدام أخوي  حسبي الله عليه ، وكانت هذي الطلقه الثانيه ..

بعدها قررت اني ماأرجع له وقويت وقسى قلبي عليه لانه باعني وأرخصني مرتين .. واللي يرخصني مره بيرخصني ألف مره ..
قررت بعدها ماااااأرجع مهما حاول ..
وهو متكبر ولاهااامه ولما خلصت عدتي كلمتني اخته عشان أرجع ورفضت بشده ، كنت أقول لها مو مستعده أخسر سنين عمري معه يكفي ضيعت من عمري سنتين ومااااقدرني والله .. 
وبعدها بشهر حاولوا أرجع وبرضه رفضت ..

بعدها تدخلوا كثييير عشان أرجع له وهالمره بمحاوله منه مو اجبار من اهله مثل المرات اللي قبل ..

وقتها قلت ممكن انو ندمان >> وانا متأكده انو اني وافقت مبدئياً لاني ضعفت لما عرفت انو ندمان ..

وفعلاً جاء وكان متحمس ولما كلم ابوي وقاله شروطه وافق وتحمس وبعدها بدأ يماطل ... والى الان ماسوى شيء ..
انا لما حسيته بارد حسيت انه هو هو ماتعدل ولاتغير .. وسمعت من مصادر قريبه له انه على علاقه مع وحده من أصل xxxxxx .. وقتها عرفت ان سر البرود اللي فيه من علاقة الحرام .. عاد ماأدري وش نوع العلاقه ولاابي أحط بذمتي .. 

أنااااا ماعليّ ولاهامني ... واذا جاء وجاب المهر وعلى اساس نملك من جديد ودي أهون وأقول ماأبيه .. بس أخاف يكون عليّ ذنب لان عندي منه بنت !!!!



الحكيمااااات الله يوفقكم شوروا عليّ لاهنتم ...

ع فكره السالفه طويله وتتضمن تفاصيل لكن حاولت اختصرهت قدر الامكان ..
49
12K

يلزم عليك تسجيل الدخول أولًا لكتابة تعليق.

تسجيل دخول

~ليت الزمن يرجع~
~ليت الزمن يرجع~
لاااا اله الا الله 
fajer13
fajer13
استخيري عدة مرات واطلبي الله الخيره. 
ألحي بالدعاء.وتخيري الوقت المناسب. 
مانملك لك سوا الدعاء الله يصلح حالك للافضل. 
يقين1435
يقين1435
الله يفرج همك...ويصلح الحال....
محبة الصفاري
محبة الصفاري
اذا رجعتي له بيطلقك بعد لانه انسان ماعنده احساس بالمسؤليه خلاص لاتضيعين عمرك معه وبعدين انتي عارفه انه له علاقه بوحده ثانيه انتي وش بيكون وضعك معه تحفه في البيت اسم انه متزوج حطي حد له خلاص يكفي ذلك بما فيه الكفايه والله اني ماحب احرض اي وحده على ز وجها بس فيه بعض الاحيان تنقهرين وماودك تسكتين ..حبيبتي انتي وازني الامور من كل النواحي وشوفي هل حياتك معه صح ولا لا
ام هلال1234
ام هلال1234
اختاري اللي تشوفينه مناسب لك ثم استخيري الله فيه عدة مرات
والله يفرج همك ويختار لك مافيه صلاح دينك ودنياك