كرهت عمري من هالشي ! يرحم امهاتكم ادخلوا

السلام والرحمــه ,,
بنات انا عندي شي تاعبني من 5 اشهــر وقــــآلب علي نفسيتي ومكرهني عيشتي :44:
..
انا يابنات اتعب جدا جدا جدا جدا من اي انفعـــــآل عــــآطفي يصير معـــآي !
يعني .. لاتهــآوشت مع احد على طول قلبي يقبض علي وكأنه احد طعن قلبي وتجيني ضربات سريييييعه جدا جدا مع كتمه بصدري وما اصحى الا وانا مـــــآسكه على قلبي واحس اني بيغمى علي او اني حموت خلاص وبتجيني جلطه !!
مهب بس لاتهاوشت لا !! حتى لو فرحت لموقف يصير معاي نفس الشي ! وحتى وانا مثلا اتابع مسلسل او فيلم وجــآ مشهد يحمس او شي احس بطعنه بقلبي وضربات سرريعه وكتمه واقعد ماسكه على قلبي لين ينتهي الموقف :44: !
اليوم كنا عالبحر مع اهلي بالسياره وفجأة بدت تصير مضــآربة شباب بجنبنا ويوم بدأو يشبكون بالايادي وانا اناظر والناس كلها بواري .. حسيت بانقباض قوي بقلبي وطعنات قويه واختنقت مع ضربات حسيتها بتخرج مني وحسيت اني شوي بيغمى علي بالسياره وقعدت ماسكه قلبي واتشهد ..
:(

بنات .. مين تفهمني وش هذا اللي احس فيه ؟؟؟
هل فيكم وحده جتها الاعراض هذي !!

علما بانه لي 5 اشهر اعاني من ارتجاع بالمريء وفتق بالحجاب الحاجز والتهاب بالمعده وقولون عصبي شدييييد ومنتفخ علي !!!
ورحت دكتورة قلب وعملت لي الايكو (اشعه تلفزيونيه) وقالت لي كل شي سليم
هل ممكن يكون القولون العصبي مسوي كذا ؟ او الفتق ؟

طمنوني الله يستر عليكم