الشرع يقول البنت اولى بالبر واوجب

لكن العرف يقول زوجة الولد هي اللي ملزمة برعاية ام زوجها

والحق يقال احنا قدمنا العرف على الشرع

والتشرهه والدعاوي على من ترفض

وربي يا بنات عجوز كانت على فراش الموت

وبناتها بعز شبابهم وارامل يعني متفرغات تفرغ تام

وما قام برعاية العجوز الا زوجة الولد تاكل تشرب تسبح تنظف

وهم بس زيارات وطق حنك وتشكي كنا نتمى ان نرى فيهم البر لكن لم نشهده في مجتمعنا الا من زوجة الولد

اللهم ارحم من راعنا في صغرنا وارزقنا برهم في كبرنا وارزق بر اهل ازواجنا يارب ولا تسلط علينا منهم السنتهم يارب

فعلا البنت والولد ملزومين فيها
ومالاحد حق يشره على زوجة الولد الا في حاله وحده لماتكون سبب في عدم التزام زوجها برعاية امه
واذا كانو البنات كلهم متزوجين والاولاد كذلك بصراحه المفروض تكون عند واحد من اولادها ويوفرلها ممرضه بالتعاون مع باقي الاخوان وهذا مايعني انه بناتها تطيح عنهم مسؤلية القومه بامهم اكيد لازم يمرونهاويشوفونها
للانه مو كل رجال ممكن يتقبل الموضوع هذا بالنسبه لازواج للبنات واتوقع كمان انه الاولاد اللي فيهم نخوه واحساس مايرضون انه امهم تجلس في بيت زوج اختهم وهما موجودين
وانا لوكنت في الموقف هذا والله ماراح امانع بالعكس راح انبسط مره لانه غير الاجر اللي من عند الله بكسب رضى زوجي باعتنائي بامه
لكن اقولها بصراحه انا اشرف عليها بسسس يعني يكون عندي بالبيت خادمه خاصه فيها بس هي الي تقوم باكلها وشربها وادويتها ونظافتها وانا اشرف عليها واجهز كل اللي تحتاجه ومايمنع لو اني قمت بهالشي بنفسي باستثناء النظافه
لانه والله بكذب لو قلت اقدر عليها وعلى بيتي وزوجي وولدي..بعدين انا ام زوجي تقريبا نفس الحاله اللي ذكرتيها عشان كذا عارفه الوضع كيف صعب الله يشافيها ويعافيها يارب وجميع مرضى المسلمين
وحاليا عنده بناتها ماشاء الله لاقوة الا بالله مو راضين يخلون اخوانهم يجيبون شغاله عشان تقوم بامهم مع العلم انهم صغار الله يعطيهم العافيه ويكتب اجرهم

اسفه عالاطاله لكن زي ماطلبتي ذكرت رايي بصراحه

انا رأيي في هالموضوع

انا من النوع المتشدد مررررره في هالموضوع ولاارضى بأنصاف الحلول

لان هذي التجربه مريت فيها اكثر من مره


واشوف ان البنات والاولاد هم المسؤلين عن امهم او ابوهم


المفروض هم اللي يتناوبون على المريض بشكل يومي او اسبوعي

يعني مثلا يكونون ثلاثه كل واحد يمسك ثمان ساعات باليوم

مثل الشفتات

هذي هي الطريقه الصحيحه بنظري

طبعا فيه ناس ماشاء الله بارين وهم قله ويقدرون ينسقون فيما بينهم

لكن المصيبه اللي يسوي لك نفسه باااااااار وهو مايسوي ولاشي !!!!

لا ومو عاجبه اللي انتي تسوينه ويشوفه واجبك ولازم تقزمين فيه !!

ماقول غير حسبي الله ونعم الوكيل

آسفه طلعت عن الموضوع بس فيه غصه بقلبي

الله يشفي مرضانا ومرضاكم ومرضى المسلمين

آه بس انا مقهوره لان فيه ناس ماتسوي شي ومع ذلك تقول انا ماقصرت وتلوم غيرها انه مقصر

لاحول ولاقوه الا بالله

مشكورات على ردودكم الصريحه

اسمحي لي مرة الولد وش عليها
خصوصا انو هم هي بيجي لها يوم لازم تهتم بأمها
مهيب ناقصه
لا طبعا البنت لازم تهتم بأمها
صراحه قلة حيا اللي تخلي مرة اخوها تهتم بأمها وهي قادره
اذا كلش كلش يجيبون خدامه
اما صراحه مب شغله اهتم بام رجلي وعندها بنت
طبعا لو ما عندها بنت او بنتها ظروفها صعبه
بأحتسب الاجر لوجه الله وعشان رجلي
جمالة فيه
فقط لا غير
اما البنت موجوده وانا اعاون مو صحيح !