انا في ورطه تكفون يابنات لاتبخلون علي

السلام عليكم ورحمة الله وبركاته

يابنات حواء ابغى فزعتكم ابوي ناوي يسوي عزومه يوم الاربعاء او الجمعه لناس مهمين وكبار وانا من يومي افكر وش اسوي وكيف اضمن ان الاكل يكون حار

لانهم يجون وقت الفطور وفيه عزومه عشاء وماعندنا مقلط عشان انسق السفره تكفون يابنات بصراحه ماعندي خبره مره

وابغى اعرف كيف ارتب السفره ومتى احضر بالضبط وعادي اذا جو وانا محضره الاكل ؟ بنفس الوقت اخاف يبرد وكمان مستحيل احط الصحون بلستك افكر اشتري صحون جديده تكون لايقه حق الضيوف

تقريبا عددهم 11 او 12 رجال والحلو بالموضوع ان مجلسنا كل فرشه جديد والحمدالله من يوم ماابوي قلي البارحه على العزومه وانا بس افكر وش نسوي وش افكاركم يابنات تكفون
حتى ابغى افكاركم بخصوص الاطباق عطوني اي طبق واذا تذكرون لي رابط له نزلوه لي اكيد تعرفون وش يحبون اكثر الرجال من اكل عاد السمبوسه بالجبنه وخليه نحل بالصداره :)
المشكله مافي احد ممكن يساعد ابوي على ترتيب السفره تشوفوني محتاسه :icon36: