حالتي تخنقني

بختصار يا اخواتي انا تزوجت انسان كنت احسبه والله حسيبه تقي يخاف الله في الامانه

عمري 25 سنه واول ماتملكنا قعدنا 9 شهور مملكين خلالها جاء لزيارتي 3 مرات كنت اشفق عليه لانه كان يبكي ويتوسل لي اني ما اتركه

وقعدت افكر ليه يبكي كثير ودايم لاكلمني يلح علي اوافق ع الزواج قبل العطله

وانا كنت منشغله بتخرجي من الجامعه يعني امورنا كانت تمام جدا بعد فتره اهله خطبوا لاخوه وحده حلوه وخلوقه ىماعليها بنت الناس للامانه طبعا جاء يوم لزيارتي وكنت كالعاده ابدع في اناقتي وفي استقباله انا واهلي وجلس ينظر لي بنظرات وبعد الزياره بيوم اتصلت امه وقالت لي ليه ماتطلعين بقصير وسوي تسريحهكذا وترا مرت ولدنا الجديده جميله وحلوه بسم الله عليها

تدرون يابنات وش كان ردي ابشري ومن عيوني ياخالتي وسكرت وقعدت ابكي قطع قلبي
واتصلت عليه وقلت ليش تروح تقول لخالتي فيني وفيني انت اللي جيت طقيت بابي مو انا اللي جيتك
وانت يوم انك تبي وحده زي زوجة اخوك ليه ماخطبة امك لك زيها
انا افتخر بجمالي وباخلاقي ديني

وانا لا امدح نفسي فانا جميله ودينه وخلوقه
وعتذر لي بشدهوشت الايام لين تزوجته واقلب ع الموجه الثانيه لان اهله وروه زوجة اخوه واعجب فيها وقالي
ليه مني طويله ليه انتي نحيفه ليه شعرك مو طويل
وصرت حامل وصايره امه وابوه علي وحش واهله ليه تحملين

مع اني مادخلت بيت اهله الا مرتين بس وعلاقتي بامه جدا زييييينه لكن ماتقبلتني

سويت لها المستحيل ومافيه فايده وصبرت ىانحبست ببيتي وصايره امه تقوله قدامي والله العظيم
لاتوديه ولاتمشيها تخسر فلوسك تونا معاريس

لين جا ذاك اليوم بخطه من اهله رماني بالمطار وحجز لي اروح لا اهلي لعب علي كني بزورهم

وقفل جواله لين ارسل طلاقي بطلقه واحدهوانا حامل اخذت العده كامل وانا نفسيتي تعبانه لاني ماني عارفه وش سبب الطلاق خصوصا اني كنت قايمه بكل حقوقه

ولدت والان جبت ولد ولا هو فكر يشوف ولده ولا اهله

كمل ولدي عمره سته اشهر وابوه ماشافه

مدة زواجي شهر كامل فقط

ويوم سالوه اهلي قال ماحبيتها

من يوم الطلاق حلمت بان امه حطت لي سحر عشان تخلي زوجي يكرهني
واستفرغت تكرمون شي اسود زي البيبسي هذا في الحقيقه
وفي الحلم السحر يتكلم يقول حطت لها ام زوجها وجابت السحر من فلانه وفلانه ذكر اسمها بس ما اعرفها
ودايم اشوفها ام زوجي كنها فار كبير يخوف