هذا مزح؟؟ ولا خراب بيوت؟؟❌👊

مساء الخير .. أكتب وانا مغبوونه ومقهوره ومن جوالي معليش لو في اخطاء ودي اذبح اخويا زوجي قليلين الادب 👊❌
تخيلوا امس زوجي جاء من اخوياه وحط شنطته عندي ودخل يتحمم .. رن جواله وهو جوا الشنطه فتحتها ابي اصمته لان ولدي نايم 
ولا احصل ××× وفي علبه جمبه مليانه ومعاهم ××× وربطه نسائيه صار وجهي كذا 😳 وانتظر زوجي يطلع وسالته ايش هذول ؟؟ على طول قال الله يلعن فلان وفلان ال... مافي غيرهم ويضحك .. قلت كيف يعني قال اصبري واسمعي بإذنك 
و كلم واحد من اللي قال اسماءهم .. وضحك زوجي وقاله اهلي ماهم بالبيت يا...... ومردوده لك انت وياه( قصده اللي تبونه ماصار) .. قام يضحك خويه قاله جت سليمه هالمره يعني الاخ ناوي يعيدها ثاني 
هم حطوا هذي الاغراض بشنطته .. عشان اشك فيه يعني خلصت المقالب الله يقطعهم رجال وش كبرهم مو مراهقين ما فكروا يمكن اللي حطوا يخرب بيت ويشتت عيال
على بالهم ظريفين ووااو .. قال زوجي بعدين انتي فكري فيها انا خبل احط هالخرابيط بالشنطه وارميها عندك وادخل للحمام
حسبي الله ونعم الوكيل .. وربي اني دعيت عليهم من قهري يعني ليش هالحركات والله الى ما نمت وانا ارجف من القهر واحس بزي الغثيان من كثر ما زعلت انا واثقه بزوجي مليون بالميه ماله خرابيط بس شي وشفته بعيوني تنكدت ولو اني تاكدت انه مقلب  سخيف من ناس اسخف ..  مادري ليش كتبت بس مقهوره قلت لزوجي اتركهم قليلين ادب يسعون بخراب بيوت قام يضحك قال انتي تتكلمين من جد ولا تمزحين مستهين باللي سووه الاخ ويشوفني حساسه