يارب افرجها من عندك

اخواتي انا متضايقه من وضعي 
توظفت ولله الحمد وعندي اطفال 

واطلع من المدرسه الساعه 1 ونص 
فاظطريت انقل بنتي الكبيره بمدرسه جنب مدرستي 
ووصيت عليها سواق يجيبها لي مع زوجته الي هي مستخدمه بنفس المدرسه 
المشكله ان هالحرمه بارده ولاتطلع الا اخر الناس وتاخر بنتي وتقول انا اخر وحده بالمدرسه 
دورت كم وحده تنقلها مالقيت احد 
والاصعب انها تنزل بعيد وتخليها تقطع الشارع ونبهتها وتقول خلها تعتمد على نفسها 
وانتوا تعرفون المبار بالسن مايهتمون بالتفاصيل مثلنا 
وبنتي في رابع ابتدائي صغيره وتلبس عبايه واخاف عليها من السيارات 
وبنتي الي اصغر منها حطيتها بروضه مع بنت اختي كبرها بالعمر ويوديها ابوها مل صبح لبيت اختي واحيانا يتاخرون عليها حسب الزحمه والطريق فاحس اختي تضايقت من الوضع هذا 
وبناتي الصغار احطهم بعد عند اختي وتمسكهم بنت اختي الكبيره خلصت ثانوي وجالسه بالبيت 
اعطيها مبلغ على مسكها لبناتي الصغار اريح لي من الحضانه 
بس تعبت نفسيا احس اني مضايقتهم بعيالي ابوهم مايطلع الا4 العصر 
وبنتي الكبيره متضايقه من مدرستها ولسا ماتاقلمت مع البنات وفيه بنت مضايقتها شقيه مررره وكلمت المعلمه وضاقت على البنت وعقلت يومين ورجعت تضايقها من جديد وانا مقهوره 
مدري اصبر وياترى فيه حل 
موعارفه كيف اتصرف ماعندي احد هنا كل اقاربي برى الرياض الا انا واختي 
ولافيه حضانات اسعارها معقوله كلها800 وانا عندي طفلتين والحين حامل 
غير سواقي وسواق بنتي يروح الراتب ماستفدت شي منه 
والله اني مقهوره وماودي اخلي الوظيفه ولاودي اضيق على الناس بعيالي 
حتى نفسيتي اثرت على شكلي ووضعي بالمدرسه 
احاول اتاقلم مع الظروف بس مو قادره 
شوروا علي وش اسوي 
وعلى فكره تو جبت شغاله ولاتبي الاطفال بس شغل البيت ماعليها فيه لاكن الاطفال مو مره واصلا انا من النوع الي مايرتاح للشغالات بالذات للاطفال احب عيالي مسوليتي  خصوصا انها مسيحيه مو مسلمه 
يارب من تدخل وتدعي لي بالفرج 
والولد الذكر الصالح السليم المعافى الله يسعدها
وتعطيني حلول