خواتي
بنات منتدى عالم حواء
أول منتدى شجعني لدخول عالم التجارة
منتدى عزيز على قلبي هو وعضواته الفاضلات
بمناسبة مرور فترة على دخولي مجال التجارة
وتعرفي على اخوات في الله
واكتسابي للعديد من الصداقات من خلال ممارسة التجارة في المنتدى:
حبيت اسوي سحب خاااااص للاخوات اللي حطوا ثقتهم فيني واتعاملوا معاي
وهذا السحب بيكون على هدية متواضعة
للتعبير عن شكري وامتناني لهالخوات ولتشجيعهم لي باستمرار
وطبعاً هالهدية البسيطة ما بتوفي حقهم علي ودعواتهم لي
وربي يوفق الجميع
فالمطلوب منكم خواتي:
كل وحدة تعاملت وياي في السابق اتيي وتحط اسمها اهني
واذا كانت متعاملة وياي في منتدى ثاني اتحط اسمها مب مشكلة بس بدون ذكر اسم المنتدى لانه ممنوع <<<< مافينا ننهزب ^_^
السحب على اسم واحد بس
وبيكون بتاريخ 1 مارس 2006 بإذن الله
وكل الخوات اللي بيشترون في فترة ماقبل السحب ممكن يسجلون اسماءهم اهني بعد
العضوة اللي بيظهر اسمها فالسحب بتحصل على:
شدو مائي بلمعة من بن ناي (BN)
باللون اللي هي بتختاره يوصل لين صندوق بريدها مجاناً
وكل فترة والثانية بإذن الله بيكون شي سحوبات
فاللي مابتفوز اول مرة ان شاء الله تفوز في المرات الياية
والسموحة
يشهد الله ان معرفتج أختي هي أكبر هدية لنا
وانا عن نفسي تشرفت بمعرفتج والتعامل وياج
واحنا الصراحة اللي علينا نقدملج هدية على حسن تعاملج معانا
لكن ملحوقة ان شاء الله
أهم شي تردين البلاد بالسلامة
والله يوفقج دايماً وين ما كنتي.