نداء ......للتاجرات .....والمتسوقات......عن الشحن!!!!!

هلا وغلا اختي


فعلا كلامك صحيح 100%

لكن احيانا ما يكون عندي احد يوصل الطلبات لشركة الشحن يعني بقولك شغله


انا كنت اتعامل مع الزاجل الشحن على 10 و 15 و 20 ريال اوكي هذا اذا رحت للمكتب وسلمتهم اوللي بيستلم بيروح لمكتبهم


طيب البنات اللي في الرياض اتعامل معاهم اللي ساكنه في شمال الرياض او شرق الرياض اوغربها او حتى بجنب زاجل وما عندها سياره ولا تبي السواق يروح لاخر الدنيا لان مكتبهم في جنوب الرياض ناحية الشفاء هناك يقولون نوصلها لك على 50 ريال او 70 ريال من غير قيمة الشحن تخيلي


جده نفس الشي المكتب في جنوب جده عشان يوصلوها لي بشمال جده لازم ادفع 50 ريال من غير قيمة الشحن

وغير كذا ما يوصل لكل المناطق بالاضافه انا ما تكون عندي سياره توصل الشحنات للمكتب فتتاخر الطلب عندي يومين ثلاث عبال ما تتوفر السياره وتوصلها لمكتب الزاجل



+++++

مقارنه بشركة الما اكسبرس تجي لعندي بالبيت وتاخذ من الشحنه وتوصلها لبيت يعني محد يطلع للمكتب يستلمها وكل هذا بـــ 30 ريال او 25 ريال لوكانت المنطقه رئيسيه

اي ارخص واسرع بالوقت


+++++


لكن احياينا اظطر استخدم الزاجل بس تتاخر الشحنه على حسب اذا توفرت عندي السياره استخدمها لو كانت الشحنه كبيره يعني فوق 20 كيلو طوالي من غير نقاش احولها على الزاجل على اساس السعر ثابت الا في حال طلبت صاحبة الشحنه الما اكسبرس وموفارقه معاها السعر للشحن


++++++


بالنسبه لي انا بامكاني اشحن عن طريق الزاجل لكن تتحمل الزبونه لو تاخرت عليها كم يوم بصراحه يعني ما تقلقني رسايل ارسلتي ما ارستلي متى استلم متى بتوصل متى ماني عارف ايه بس تعالي وقت الحساب ما اشوف لا رساله ولا اشوف ذاك الحراره بالاسئله والحرص بالدفع خلاص فص ملح وذاب


+++++


صدقيني احنا احرص منكم على مصالحنا ومصالحكم


+++++


بالنسبه للشركات فيدكس وهالخرابيط مستحيل اتعامل معاها نهاااائي نهاااائي الا اذا طلبت الزبونه وفوق هذا لازم تحولي قيمة الشحن قبل ما اشحن لاني ما اتحمل مصاريف غيري بصراحه


++++++


اتمنى اني وضحت لك الموضوع كله وبالتوفيق يارب

هلا بك عزيزتي

هذا الامر يتوقف على اكثر من امر ذكرتهم الاخت الفاضلة نوال

* بعض المناطق لا يوجد فيها شركات رخيصة فتضطر للارسال بالشركات العالميه مثل فيديكس واراميكس ودي اتش ال وهم غاليين.

* السعوديه تحديدا ليس فيها شركات كثيرة بل محدوده واغلبهم خدمتهم صعبه ولا يجون للبيت يستلمون الاغراض (الرخيصين منهم) عكس الدول الاخرى مثل الامارات في شركات كثيرة وكلها سعرها رخيص

* مشكلة الشحن من الباب للباب
شركات الشحن اغلبها تقع في جنوب الرياض وكثير من التاجرات في شمال وشرق الرياض على سبيل المثال
وهالشركات الرخيصه ما يقبلون يجون ياخذون منك الغرض من باب البيت ولا يوصلونه للزبونه لباب البيت الا اذا اخذوا 30 ريال جيه للبيت و 10 ريال او 15 ريال سعر شحن الكرتون وهالشيء مثلا شركة زاجل متبعته وايضا ما يوصلونه لبيت الزبونه

* كثير من الزبونات يريدون التوصيل لباب البيت فيكون احسن حل هو شركة الما اكسبريس رغم مساوئها الاخرى وايضا البريد الممتاز لكن سعره غالي

وكل شركه لها مساوئها وميزاتها

والشركات الكبيرة مثل اراميكس ودي اتش ال وغيره العالميه ما يكسرون الاغراض عكس الشركات الوطنيه يرمونها رمي ولا يتركونها بالشمس بالحوش حق الشركه ويلعبون فيها كوره توصل مرات مكسره يعني حفاظهم عليها مو مره قوي
فتضطر التاجره انها تغلف الشيء تغليف مضاعف عن تغليفها مع الشركات العاديه


لكن اهم عائق هو مسألة عدم جيتهم للبيت لانه اغلب التاجرات ممكن ما يكون عندهم سواق يودي الاغراض وبعيد المكان جدا عن البيت حوالي نصف ساعه فصعب جدا


واحيانا طلب الزبونه نفسها

ولا التاجره الود ودها ترخص على البنات خاصه الشحن لانه التاجره ما تربح من الشحن ولا تاخذ فايده من الشحن بالعكس الود ودها مثل ما قلت لك لو فيه شحن بخمس ريال تشحن فيه.

بس للاسف السعوديه فيها نقص شديد بشركات الشحن على كبرها كلهم لشحن ونقل الاثاث وليس للشحن العادي .

والله يسهل

عزيزاتي

كلامكم سليم

لكن وضع خيارات أحسن

خلونا من التوصيل في داخل المدينة

أنا طلبت 4 قطع من بلد ثاني كلفني الشحن 200 ريال
لو كان عن طريق الشحن الرخيص 15 ريال
ولو ارسلت أحد بفلوس يجيبه لي بياخذ 30-40-50 حسب المسافة
فالفرق واضح بين الشحنين

والتاجرة تجمع الطلبات ويكون لها يوم محدد توصلها للشحن
وما فيه مانع تأخذ عمولة للتوصيل 5 ريال لكل طلب
والحمد لله
الكل مستفيد


ارجو النظر في ذلك

وخاصة أن كثير من العضوات تفرح بالمنتج وتراسل التاجرة
ثم تنسحب بعد معرفة القيمة النهائية لوصول السلعة لها!!!!!!!!!!!!!!!!!!!!!

ولهذا نجحت فكرة المندوبات!!!!!!!!!!!!!!!


بالتوفيق

كلامك أختي صحيح
وأنا أيضاً بأشتري من هنا سلعة معينة(طاولة لابتوب) وسعرها مناسب لي وتم تحويل المبلغ
لكن السعر النهائي هو المشكلة .. لأن الطلبية من الإمارات وبالإضافة للشحن
هناك قيمة تحويل المبلغ!

وصراحة الأخت التاجرة نصحتني بعدم التحويل لكن كنت حولت وانتهى الأمر ..


التاجرات حريصات على البضاعة مثل حرصنا
لهذا أنا ما أحملهم أي مسؤولية .. لكن المشكلة في شركات الشحن
وشيء معروف وبديهي الشركة ذات السعر الغالي
هي الأكثر أهتمام والأكثر حرص والأكثر سرعة ..

من واقع تجربة .. قبل فترة اشتريت من هنا بضاعة (عطور) وتم الإرسال
عن طريق شركة زاجل .. وصلني (كرتون الطلبية) غرقان عطر !! :(
وجدت 3 عطور مكسورة !!
وكانت هذي أول وآخر تجربة لي مع زاجل
للأسف بحثت عن الرخيص وخسرت !!

كنت قبل اتعامل مع فيدكس 50 ريال معقول
أقل شيء أضمن إن البضاعة توصلني سليمة وفي وقت قصير

شكراً درة نجد :)

طيب
كل وحده ولها وجهة نظر صح
بالنسبه لي في اعتقادي اذا كان الشيء ينخاف منه مثل عطور او اي شيء به قزاز مستحيل احطه بزاجل والا الصاعدي لاني فعلا جربت شحنة من العطور كميه كبيرة وجت بعضها مكسورة
ع طووووووول فديكس او غيرها من الشركات الحريصه
اما الملابس والاشياء الخفيفه احطها بزاجل وانا مرتاحه