هاهاهاههاهاه هنديتج مو هينه :)

عموما اني ما ضغطتي على الرابط .. بس ولا يهمج راح انقلها لج هني
-----------------------



كيكة الليمون بس طعم رائع للأخت أم البنات


كيكة الليمون

المقادير::
250 غرام زبدة ( في حرارة الغرفة )
2 كوب سكر
بشر 2 ليمون ( الأصفر )
4 بيضات
3 أكواب دقيق
2 ملعقة صغيرة بيكنج بودره
ملعقو صغيرة روح الليمون
كوب حليب

الشراب
4/1 كوب سكر
عصير ليمونة
عصير 2 برتقالة

الطريقة ::
في الخلاط ضعي الزبده والسكر وتضرب الى ان تصبح لونها ابيض
ابشري الليمون وضعي البشر مع الخليط ويخلط
اضيفي البيض حبة حبة مع الخفق بعد اضافة كل واحدة
انخلي الدقيق والبيكنج بودر ثم اضيفه الى الخليط على دفعات
ضعي روح الليمون مع الحليب ثم اضيفه الى الخليط
صبي الخليط في صينية مستطيلة ( للتوست ) كبيرة ( او اثثنين اذا لم يتوفر الكبيرة ) بعد دهنها بالزيت
ضعيها في الفرن لمدة 45 دقيقة الى ساعة الى ان تستوي وتحمر
اسقيها بالشراب البارد ( الكيك حار )

الشراب :
أغلي السكر مع عصير البرتقال والليمون الى ان تصبح لزجة

والله الحكاية تضحك
الله يعينك
ويفكك من الورطة بسلام
وترى هدا درس يا عسل

عجيبة القصة
انا دايما يسألوني لاني متميزة باطباقي في بيت عمي...
و اخبرهم على طول و اعطيهم الوصفة
و هم عموما ما يعرفون يطبخون
يعني مستحيل تطلع الوصفة مثلي لاني دايما اضيف اختراعاتي.

ابشركن يا بنات طلعنا منها زي الشعره من العجين
صارت السالفه كانها رسوم متحركه ......ههههههههههههههههه
جتني المره و ناويا لي .......و مو جايه بروحها جايبه امها و خواتها ...ناوييييييين يمسخروني ان ما طلعت الكيكه نفسها
المهم و انا بالمطبخ و كلهن قاعدات لي بالمرصاد و يا ويلي ان خربطت ....المهم كلي ثقه و احط كل المقادير الي قلت لها ...و هي فاتحه حلجها ...و امها تقول يا بنتي انتي سويتي نفس ما قالت لج ...تقول اي يمه و اهي تحسر بعد ...يا ربي معطين السالفه اكبر من حجمها و هي كل ابوها كيكه ....
المهم خلصتها و قلت لها حبوبه حطيها بالفرن ...اي خليها تكرف شوي
المهم و هي تحطها ...و انا اقول لهن يا الله يا حريم تراني مسويه كيكه جوز الهند خلونا نتقهوى عليها ..عاد ترى كيكه جوز الهند انا مواخدتها من المنتدى و تهببببببببببببببببببببل
المهم ...في هذه الاثناء راحت هنديتي و قطت الكيكه الي بالفرن و حطت بدالها الكيكه الجاهزه الي انا مسويتها قبل ........هههههههههههه
يوم ان الكيكه خلصت قامت هي و طلعتها ... و من شافتها و يبرد و جهها ...تبي ترقع السالفه ..تبي تكلم ...ابدا المره انطرمت .......ههههههى لا و بعد خواتها الي تبيهن يضحكن علي ..ضحكن عليها ..يا فلانه انتي ليش تلقفين و تظلمين المره ..تقولين ما عطتني مقادير مضبوطه ..اتراج انتي ما تعرفين الكيك ..و هههههههههه
و انا سويت فيها مجني عليها قلت يا فلانه غير ها المره لا تطلبيني مقادير ...تراني ما اعطيج انتي مو كفو ...ا
يا اللله يا ربي تسامحني على الكذبه..و الله اني متحسفه بس انها تستاهل
عاد و الله الكيكه الي عطيتها مقاديرها اش حلاتها و سهله و تطلع هشه
ابعطيكم مقاديرها بس تراها مو نفس الجاهز ههههههههههههه

يا خراشي عليح
:)

بعد ماشاء الله عليها رفيجتج اصرارها غريب بمعرفة الطريقة :)

الحين قولي لنا طريقتج بالكيكه خلينا نجربها .. اتييبين كيكة الليمون و تضيفين لها نعناع بس ؟ و الصلصه شنو ؟
خل نجرب هاللي نهبلت عليها المره شلون صايره :)