كيف الحلوات ؟ يا رب انكم بخير :luvkiss::luvkiss:
طبعاً هذا اول موضوع ليا في منتداكم الجميل
اليوم بتكلم عن موضوع مهم بالنسبه لنا كثير
خاصه في هذي الفتره شهر 7 !!
طيب ليش شهر 7 بالذات ؟
لانو الشهر الي لازم نبدأ نشتغل فيه على انفسنا عشان نقدر نشوف النتايج شهر 9 و يوم العيد
طبعاً الاجازه الصيفيه على الابواب و الصيفيه في المجتمع النسائي بشكل عام
( زيارات , مناسبات , جمعات ) وهذا الشي يعتمد بشكل كبير على مظهرك
يعني تكونين متحمسه تروحين مكان وتجين تفتحين الدولاب وتدورين وتحوسين وفي الاخير مافي شي يجي على قدك او انو يجي بس مايكون حلو عشان جسمك !!
وتقعدين منفسه و تطالعين ف اجسام البنات الباقيات ماشاء الله :biggrin::sad::sad:
.............................
- كم قدامك عشان تشتغلين على نفسك ؟ شهر 7 و 8 و 9
- ليش لازم نبدأ من الحين ؟ عشان مانجي قبل العيد او زواج احد يقرب لنا ونكتب في قوقل كيف اقدر اخسر 50 كيلو في 3 ايام :lookaroun:icon31:
- ايش لازم تسوين ؟ ( لازم يكون عندك نوتة او نوتة الجوال لان التسجيل مهم بدون ماتكتبين الكلام بيكون كلو في الهوا :a_smil17:
- اول شي جيبي النوته حقتك
(اكتبي فيها التاريخ الي دونتي فيها اول تدوينه لانه بيكون تاريخ التغيير بالنسبه لك )
- اكتبي فيها (وزنك , ايش الاكل الي تكثرين منه وتحسن انه هو الي جالس يخلي وزنك يزيد و كمان حددي لك وقت تمشين فيه كل يوم وقت تكونين فيه فاضيه ومروقه .
- اكتبي الاكل الي اكلتيه اليوم و كل ماجيتي تاكلين افتحي النوته وشوفي انتي ايش اكلتي !!
اذا حسيتي انك مصختيها وقفي اكل فوراً و ابتعدي عن كل الدسم والدهون و تعرفون يعني مايحتاج اشرح:cook:
(مارسي الرياضه) :7_5_122:
عشان تلاقين نتايج حلوه ومرضيه لازم تمارسين الرياضه اما شغلة انو تقعدين وتحرمين نفسك من الاكل وتتوقعين انك بتحصلين على جسم واو ذي اغسلي يدك منها بالمره !!
الرياضه تشكل جسمك تعطي جسمك المظهر الجميل :7_5_127:
- ابعدي كل البعد عن الوجبات السريعه لا تتكاسلين وتطلبين من المطعم !! قومي حركي نفسك واطبخي شي صحي ( شوربه , سلطه .. الخ )
و اذا تبغين من المطعم خليه يوم واحد مثلا يوم الجمعه ويكون سمك :icon31::icon20:
- خلي عند دافع !! طلعي لبس مايجي قدك وقيسيه كل 10 ايام شوفي قد ايش هوا قاعد يتوسع و كمان تخيلي شكلك كيف بيطلع يوم العيد !!
لا تتخيلين وبس اشتغلي الخيال ماينفع لوحدو :unhappy::lookaroun:icon30:
ان شاء الله في الموضوع الجاي بكتب عن الاكلات الي ممكن نطبخها وتكون السعرات الحراريه فيها قليله . :icon18: