هل انا مظلومه ام ظالمه ؟ (تعرفت على متزوج )!!!

السلام عليكم ورحمه الله عزيزاتي




بقولكم سالفتي الي احس فيها بحيره شديد وذنب عظيم
ما ادري انا غلطانه ولا هذي الحياه ..
بقولكم السالفه ويمكن اطول عليكم عشان اطلع اللي جوا قلبي
بدايه انا بنت عمري 23 من ام غير سعوديهواب سعودي من قبيله معروفه ولدي اختين من زوجه ابي الاولى
لما كنت بالمتوسط كانت حياة ابوي وامي كلها مشاكل بسبب زوجته الاولى الله ينتقم منها بعدها ابوي وامي انفصلوا بدون طلاق
وكل واحد قام يرميني على الثاني وبالاخير استقريت عند عمتي لان امي قررت ترجع لاهلها وزوجه ابوي مارضت تخليني عندها بسبب كرهها لي ولامي
عمتي انسانه جدا طيبه وتخاف الله فيني وماتقصر علي باي شي اطلبه لان ابوي ماكان يصرف علي فكانت تصرف علي مثل بناتها بس مهما كان ماتحن علي مثل امي
وانا كنت اخجل منها جدا وما احب اطلب شي فطبيعي كان ينقصني اشياء كثير وعشان اوفر المال اللازم لي كنت استعمل طرق ثانيه
بعضها كانت طرق غلط وبعضها صح
بس ماكان يهمني بهذا الوقت وكل اللي كنت افكر فيه ان ماينقصني شي عن غيري
وصار الموضوع كأنه عقده نفسيهعندي ابي اكون احسن من غيري بكل شي
وصار هوسي الجمال والمال
احس هم اللي باقيين لي بهذي الحياه لا اهل اعتمد عليهم ولا وظيفه
قلت لكم كل هذا الكلام عني عشان احطكم بالصوره


عيال عمتي اللي انا ساكنه عندهم متزوجين وساكنين بنفس العماره
واكبر واحد عمره الان بحدود 36 ومتزوج من 8 سنوات من وحده كانو محيرين لبعض وهو مايبيها اصلا
وهي على حسب كلامه ماتجيب عيال ولا تهتم فيه ول الوقت عند اهلها او وظيفتها او صديقاتها
بس جالسه عنده عشان يصرف عليها هو عنده خير ماشاء الله ..
فكان يتعرف على بنات واحيانا يطلع معهم !!!
عرفت الموضوع من زوجته لما تجي تسولف لي وتفضفض لي عن خياناته لان ماعندها اخوات
وهي الله يهداها كل ماصار خيانه او اكتشفت شي تصورها وترسل على جوالي عشان احتفظ فيها كدليل على قولتها !
قلتها لها ونصحتها مو زين تفضحين زوجك ولازم تعرفين وين غلطك وتبطلين اهمالك
كانت ماتسمع كلامي وتشوفتي صغيره وبكل مجلس تسولف وتذل زوجها بالسياره اللي اشترتها له هديه
المهم انا يوم عن يوم بديت احس انه مظلوم معها وبديت اهتم لسوالفها عنه واخليها تقولي اخباره
كان دوامها شفتين اليوم ماترجع الا المغرب والظهر ومهمله زوجها لحاله
وكنت كل ما راحت لدوامها الصباح ارسل له قهوه وفطور من باب انه ولد عمتي
بس هو وقتها حس بالاهتمام وتعلق فيني
وبذاك اليوم كان عندي مشروع للجامعه وكنت احتاج طابعه ومحد عنده الا هي واتصلت عليها قالت لي ان مافي احد ببيتها وهي برا
طلعت لبيتهم وانا ادور لقيت زوجها هناك وشافني !
سوا نفسه مو مهتم واعطاني الطابعه ونزلت
بعدها بكم يوم جاتني رساله واتس من رقمه بس يصبح علي
استغربت بس رديت عليه وسولفنا شوي
صاار كل يوم يرسل لي وانا اققرا واطنش
ومرات ارد
الحين صار يلمح لي بالزواج وانا صراحه مو مستعده ارتبط بواحد مثله
لاني اعرف انه حق بنات مع انه حلف لي انه تاب وكره كل البنات لدرجه اهمل زوجته كمان
وكل صبح يسلم على عمتي ويسالها عني
وصار يهتم فينا بزياااده
انا محتاره الان هو فرق العمر بيننا كبير و احس اني استاهل احد افضل منه
قالي ان العمر مايهم وانه بيطلق زوجته لو وافقت عليه


انا جدا محتاره الان ابي نصايحكم
والله ما احلل اي وحده تكذبني او تمحور الموضوع على كيفها