الله ييسر لك أمورك يالغلا
500ريال أشوف أنها تكفي وزيادة القص 50ريال والصبغة والتخصيل أو الميش مايزيد عن 250 ريال إذا شعرك مقصوص
وعندي وحدة بصراحة عاجبني شغلها بالميش والخصل والقص معها كويس من ناححيتي تعرف اللي يناسبني ومرتاحة معها
إذا تبينها قولي لي أرسل لك رقمها إذا كنتي بالرياض
وقولي لها ظروفك بتراعيك ولا تخلينها تسوي لك حواجبك لأنها بصراحة ماعجبني شغلها أشوفها تسوي لهم الحاجب على شكل هلال
إذا هالشكل يعجبك عادي مع أني ما أفضل تشقير الحواجب فقط ممكن تحددينها بالمشقر تحديد فقط يعني يادوبك شعرتين من طرف الحاجب عشان ينرسم مضبوط تعطينه ترتيب ومنظر من غير ماتغيرين شكل حاجبك الأصلي اللي هو يميزك عن غيرك


بس سؤال وين الهدايا اللي جتك مو معقولة ما أحد عطاك شيئ !!!!!؟؟
ياختي النفاس أقل شيئ بتطلع بـــ 5000ريال هدايا نقدية من غير العينية إذا المولدة بنت
أما إذا ولد الغالبية يعطي فلوس عشان يحتارون وش يعطون فاٌل شيئ بتطلعين بمبلغ 10000ريال

الله يرزقنا وإياكم واسع فضله
ودائماً ردددي أنت وزوجك اللهم أكفنا بحلالك عن حرامك وأغننا بفضلك عن سواك

جعله يجي لمك ويقولك دوك فلوس من غير كل هالهم

انتي وين ساكنه بلضبط عشان اعطيك مشاغل حلوه ورخيصه وعندك مشغل نجيه على طريق الثمامه يجنن ويهبل موطبيعي ورخيص مره مره بعدين 500مبلغ مره حلو ولي تقول تطلع بعد النفاس 5000 وب100000 والله وناسه لو انا مكانها كان كل سنه اجيب واحد احنا اذا مره 700 الله يكون في العون

طبيعي زوجك بيكون محيوس مادياً خصوصاً مع قدوم المولود الجديد وهالشي بيستمر معاك لفتره مو شهر شهرين وتنحل
عموماً عزيزتي الحل لمشكلتك
إذا كان ماعمرك صبغتي إصبغي بالبيت لون ساده إذا شعرك وسط بتكفيك علبه وإذا طويل علبتين
يعني قولي هذي 100 ريال
والقص 50
التشقير و الحف والحمام المغربي انتي سويها لنفسك بالبيت
خذي لك فستان نعوم لطلتك ب 150
وقميص نوم ب100
وب100 خذي لك رومانسيات وهيك شغلات
وإذا البيبي جاته فلوس هدايا حاولي ماتضيعيها هنا وهناك وخليها لولدك وإحتياجته

اشكر كل من ابدت لي رائيها
وحبيت اوضح للي قالو اقل شي اطلع ب 5000 ريال للمولو اني ما طلعت حتى 10 ريال ربما لقله المعارف فقط قليل من الهدايا العينيه
وانا ساكنه بالرياض جنوبها طبعا اذا تعرفون مشاغل حلوه ومناسبه