دخولي للشهر التاسع مو اكيد

اهلين بالكروشات مشكله لو تحملي وماتدري متى اخر يوم دورتك وتكوني شاكه بين يوم الفلاني والعلاني خخخخ المهم رحت اليوم عند دكتورتي واول ماقعدت عالكرسي وانا شغاله اساله فيها انا شاكه اني دخلت وابغى اعرف اذا ولدت هذي الايام في خطوره للجنين واذا الرحم فاتح واذا راسه اسفل واذا واذا الين جننتها باسالتي وكان جوابها انتظري ويكون وزن الجنين قليل وصغير ولاتستعجلي وتوك داخله في التاسع على حسب تاريخ دورتك الاول وعلا حسب تاريخ الدوره التانيه لسه بكره ان شاءالله ادخل بس انا حاسه اني دخلت ولي 5 ايام والله فرق عشان كده يااخواتي لازم تنتبهو وتحسبو ايام دورتكم انا ماكنت حاطه في بالي وكنت ارضع وحملت فجأه الحمدالله وقالت اطلعي فوق السرير اكشف عليك ونعرف السالفه واول ماشافت بطني قالتلي ايه دا .. دي بطنك صغيرره مش حقت ولاده قالتلي اصبري لاخر التاسع والافضل كمان تعوشري ..:oوبس وحطت الجهاز علي وجهها انقلب وكلامها كله اتغير قالت ماشالله مبين في السونار انه في الاسبوع 38ووزنه طيب 3 كيلو ومافي ضرر لو تولدي هذي الايام بس قالت الافضل تصبري اسبوع عشان تعدي تاريخ الدوره التانيه اللي هو 8\7 بكره وماشالله راسه اسفل وقريب من الحوض واحس ثقل والرفسات فوق تحت صدري مباشره وعندي افرازات كثيره مخاطيه بس الفرق انه موية الجنين غير مخاطيه وشفافه وطلبتها تكشف عالرحم قالتلي مقفل ...:unsure:.وترى حمل البنت تكون البطن اكبر من حمل الولد وكمان اصغر واخف وعاده اللي بطنها صغيره تجيب بيبي كبير واللي بطنها كبيره تجيب صغير انا حملي في بنتي ماشالله بطني كانت كبيره وجبتها في نص التاسع 3كيلو وكان معها صفاري اما بنتي الكبيره جبتها في اول يوم من الاسبوع 37ووزنها كان 2و300 غرام صغيره وماشالله بصحتها وعافيتها وجبتها عمليه بسبب كانت مقعده الحمدالله ... وبعد ما عرفت وتطمنت علا وضع الجنين الحمدالله صرت امشي ساعه وخطوات متباعده وسريعه وفورت قرفه مع عسل وحاسه بالام خفيفه في ظهري ودهنت زيت زيتون وحبه سوده دافيه ودايخه من التعب:icon32:الله يسهل عالجميع ويرزقنا الولاده الميسره يارب عاجلا غير اجل ادعولي ربي ييسرلي