امس جنني ولدي عند الضيوف

مساء الخيرات
ولله كرهت عمري وكرهت الطلعه مع ولدي
ولدي عمره سنتين و8 شهور هو الاول وفي طفل جا في الطريق باذن الله
في البيت شخصيته جدا رايعه يسمع الكلام ومودب نادر ما يصارخ
بس امس ااااااه وربي بس معصبه الي الان كل ما اذكر تصرفاته
رحت بيت عمتي والبيت ماشا الله كله اطفال
في البدايه مبسوط ما يلعب بس يضحك ويصفق من الوناسه
وفي الطريق اعطيته بطاطس وعصير اكلته زين
بس تعالي شوفي لما جو البنات الصغار كل وحده معاها كيس حلويات وعصيرات وجا ولدي يبغا العصير
وجا انهار صياح بشكل مو طبيعي ودموع وطايح علي الارض ابي اشيله بس اشيله جت وحده من الي جالسين لا تضربينه لا تضربينه
حنا زاد الطين بله انا بس ابغا اشيله من الارض وش الللقافه والاسلوب منها مره انقهرت
بعدها جو اعطوه حلويات وحنا طالعين طاحت منه وجا انهار وعصب جينا لميناها واعطيناه
واذا شاف اي احد قدامه من الاطفال يدفها كذا بدون سبب ومقدمات
وربي كرهت عمري وكرهت الطلعه معاه
وش تنصحوني فيه
افكر الفتره الجايه ادخل روضه علي الاقل يحتك بالاطفال ويعرف يلعب
الي الان ماا يتكلم بكلمات واضحه
بس ذكب بسم الله عليه الحروف وكلمات الانجليزيه واضح نطقها وحافظها زين
بس العربي مو مره وجالسه معاه حبه حبه
انتظر ردكم تكفوووووووون