حبيباتي بالنسبه للحلتيته خوذيها معك علشان تشمينها يعني اربطيها بطرف الشيله علشان تكون قريبه منك
اما العطر فخلي معك شيله ثانيه معطره تلبسيها بعد الولاده علشان ما يصير فيك شمم من اي ريحه بعدين
اوجيبي فوطه صغيره وعطريها انواع العطور وبعدين غلفيها اوحطيها بعلبه وبعد الولاده امسحي فيها وجهك ووجه البيبي
اما اول ما يجيك الطلق ويكون متواصل جيبي الغلايه وحطي فيها مويه ومره وحلتيته او اي شي انتي متعوده تتكبيه واتكبي فيها لانه سبحان الله تفتح الرحم واذا جزم عليك الطلق اشربي دارسين او زعفران مع شوي تمر
هذا اللي اعرفه وحبيت افيدكم يا صبايا

ياحبيبتي والله ذكرتيني بنفسي يوم انا حامل ببنتي
الحمدلله والشكر حتى لا سوت لي شنطه لي ولا للبيبي
ولا شربت شي ابد والله اكسر الخاطر كنت بعيده عن اهلي
ولا قلت لأمي انه بدأ معاي الطلق ولا شي
كنت اخاف تقعد تفكر وماترتاح ماقلت لها الا لما ولدت
والله يابنات اني ماكنت اعرف شي ابد لدرجه انه يوم طلعت من غرفة الولاده
وكلمتني امي وقعدت اقولها يمه ما اقدر اوقف ما ادري وشفيه جسمي كله
يعورني واحس انه مهدود حيلي احس اني تعبانه
وامي تضحك علي تقول طالع من بزر وشلون ماتبين جسمك يعورك
انا احسب الوحده اذا ولدت كل شي يروح ويخف عنها ياحياتي انا
اما الحين جهزت كل شي شنطتي وشنطة البيبي
ومنقعه لي مره وحلتيته بعلبه وحاطتها بالثلاجه اذا جيت اروح المستشفى
اشرب منها ولازم تتعطرين علشان الشمم ومنقوع المره والحلتيته
خوذيه معك للمستشفى اتمنى اني افدتك

طيب بنات كيف اجهز الشنطه يعني وش احط فيها بالضبط والعدد كم
لاني بكريه وماعندي اي فكره

انا بعد ودي اعرف شو يحطون بالتفصيل
نسيت كل شي
مع اني والده مرتين

الله يسهل عليكي ياااارب وعقبالنا نوصل لهاليوم يااارب :) ولاتنسي تبشرينا عن ولادتك ومنتظرين القصه :)