وصفة ومقادير تمن عدس يعني رز بالعدس اولشي محضرين دجاجه ومنظفيه ونسلقها مع مي وملح ورق غار وكركم الى ان تستوي ,,,,,,,,بعدين احنه منقعين الرز مع العدس كل كوب رز يقابله تص كوب عدس لمده ربع ساعه بعدين نجيب قدر ونحمس فيه بصله بالزيت وناتي بماء الدجاجه اللي سلقناها ونضعه في القدر يغلي شوي نضيف الرزمع العدس مع شويه كركم وكمون وفلفل اسود لو حار شويه اطيب ولاتضعي مي كثير على الرز لان احنه انكول بالعراقي يعجن يعني يصير مثل العجين وملح ونخفض النار الى ان يستوي بعد ما انتهه احنه نقلي بصلتين كبار ونكثردهن ونضعهن على الوجه عند التقديم مع الدجاجه المقليه واللبن العراقي الاصيل اللله اممم جربو كلش طيب ومااعرف انزل صور عذروني
الصفحة الأخيرة
اكو هواااايه اكلات عراقيه انتي ذكرتي اطيب شي
امممم اني راح اكول طريقة ثريد الباكله ( الباقلاء )
ننقع الباقلاء اليابسه من الليل الى الصبح و بعدين نسلقها بكمية كبيره من الماء حتى تنضج و نكدر نستعمل قدر الضغط بس لازم تبقى كمية من ماء السلق بعد ما تستوي نرفع الباقلاء من مي السلق و نجيب كميه من الخبز العراقي و نقطعه و نحطه بماء سلق الباكله حتى شوي يلين و نرفعه بصينيه ثم نحط فوقه كمية من الباقلاء و بعدين نقلي كميه من البصل المثروم بالدهن و نصبه على وجه الباقلاء و نضيف عصير ليمون او نارنج عراقي
و نقلي كميه من البيض و نضيفه على الوجه و الي يحب الثريد دسم ممكن يسخن كميه من الدهن او الزيت و يصب فوق الصينيه و الف عافيه
هذي الاكله نسويها بالريوك او الغده يوم الجمعه