دااخلي طفله
صارحه انا ابني له حركة في البيت بس لاحظت حركته تزداد مرة وماهو عارف ايش يسوي لما اعطيه شوكولاته حتى زوجي لاحظ خاصة النوتيلا تعطيه طاقة يصير زي المجنون بالبيت فانا منعتها منه وماعدا اعطيه شوكولاته كل يوم وان اعطيه اعطيه بنسبة قليلة جدا فلاحظي ابنك اذا انت تعطيه شوكولاته
وحاولي تخرجيه الملاهي او البحر مرتين فالاسبوع هناك بيفرغ طاقة وبتلاحظي انه هدأ داخل البيت
واشغليه داخل البيت بالعاب مفيدة ومسليه بنفس الوقت مثل المكعبات او خيمة الكرات وغيرها الكثير
الله يحفظلك ابنك ويقر عينك به

وبالنسبة لكل من سأل عن الكلام فلا تستعجلوا حبيباتي مش كل الاطفال نفس بعض في منهم ماشاء الله يكون عمره سنه ونص وهو بلبل وفي منهم يكون عمره ثلاث سنين ولسه يقول كلام مش مفهوم فلا داعي للقلق المهم يعرف يوصلك ايش يبغى اما اذا مايعرف يتكلم وبنفس الوقت مايعرف يوصلك ايش يبغى هنا لازم نقلق ونراجع الطبيب
اللهم احفظ لنا اطفالنا اهدهم لنا ياااارب

أبداً ماغسلت ولدي بصابوني نهائي دايم أغسله بماء فقط واجفف المنطقة وارش بودرة

السلام عليكم
كيفكم
انا عندي ولدي عمرو سنه واسبوعين ماشاء الله يمشي وبس عندو سنتين تحت عندو مشكله تعب وهوا صغير التهاب بالرئه حاد والى الان لما يتعرض لهوا يتعب لما ابخر البيت يتعب وكل شي يأثر على صدرو حتى العطور وكل شويا مستشفى الله يشفيه بس وعندو صوت بصدرو مايروح ابدا والله احترت معاه الادويه ماتفيدو احيان بوقتها ويرجع تاني لحالتو مااقول غير الله يشفيه ويحفظو ليا ويحفظ لكم عيالكم من كل شر

وعندي ولدي عمرو 3سنوات دا كلامو مو مفهوم احياااان يعني مايتكلم جمله مفهومة على بعض وفي كلمات عندو مفهومه بس امي تقولي يرجع يتكلم عادي بس احيان يتريقو على كلامو من الاهل يعني وانا يحزني هوا عنيد ويزعل على طول ويستفزوه كثير والله يهديه لازم ياخذ حقو باي طريقة يحرجني مع الناس لو احد زعلو يضرب ع طول باي شي اللي قدامو
الله يصلحهم ويهديهم