ينبوع
الله يسلمك بس شكلك أنتي اللي مروقه اليوم وغلا ماعندي إلا قرق فاضي

خابرتن مانزلت إلا صورة وحدة ولاهيب معبرة ولا شي بس الله العالم إنك ملخبطة بالمواضيع!!
إلا كانك تقصدين الوجيه اللي يحطة بين الهرجة والثانيه فترى هذي متعوب عليهن لأني أكتب الموضوع ساعة وساعتين بس أدور وجيه تعبر عن الكلمات <<<<الله لا يشغلنا عن طاعته

ولا يحرمنا منك يالغالية ولا من مواضيعك الرايقة


وردة بين الزهور
والله مدري من قلب والا تطنز!!!!<<<<<حتى الكلام الزين ماينفع بتس

فكرتك درست بس لقوها فاشلة لن تعرفين موب كل الناس قد الأمانه ذي فلوس ميب لعبة وغير كذا لقينا مشكلة ثانية اللي بشقق ماعندهم حوشه وين يحطون لهم الصرافة!!وكذا راح تصير مشاكل وراح تدخل المحاكم لأنه مافيه عدل فلذلك الغينا هالفكرة<<<<<شكلي بديت اصدق كلامي على قولتهم يكذب الكذبة ويصدقة


منيره العنزي
هذا اللي يودعهم مايسوون هالفكرة دام فيه ناس مثل تفكيرتس اقول ورا ماتعقلين وتخلين الإجرام عنتس وتراهن راس مالهن فلوس ماتسوى تدخلين النار عشانهن<<<<الله وكبر من يحكي!!

هلا بك والله ونورتي يالغالية


المرحـه

ياحبيلك انتي الله يرفع قدرك والله بس ترا مانعطى وجه أخاف المرة الجاية اكتب موضوع ولا خلي لكم مجال تردون من طوله
تسلمين يالغاليه


أم راحيـــــل
تقل إني اعرف هالجلمة كنها ماره علي قبل شوي!!!!
ياغشششششاشششة ناسختن هرج ذا اللي فوقتس وش ذا العجز !! عجزتن تكتبين كم كلمة!!! يختي كان مير نقصتي حرف الهاء شوي عشان تموهين علينا عشان ما ندري ولا كان زدتي عشان مانكشف إنتس سرووووق
مير بعديها هالمرة والمرة الثانيه الله لايهينتس طقطقي لتس كم حرف وإن شاء الله غنها ميب ضارتس<<< شكلتس بتوبين تردين علي مير تراي امزح إن بغيتي انسخي هرجي وحطيه هماتس بس تسيرين علينا


المسلمة الحرة

هلا والله فيتس احسبتس برمضان منتيب لم احد لاهية واثرتس تختين وانا راحمتس مير ياسفاب رحمتي لتس دامتس تدخلين النت فماتحق لتس الرحمة

اقري اول كلمة ((أخباتس)) عشان ثاني مرة ماتصجينا بالمدقق الإملائي
بالنسبة لرمضان زين لولا هالدراسة اللي أشغلتنا ماخلتنا نستمتع فيه أحيانا أفكر أفصل مير أهون تدرين ليش!!!
أقول لا فصلت موب طايعينن المنتدى أغير اسمي (معلمة أجيال ) فشيلة أقعد بالبيت واسمي معلمة أجيال مير لا فكرت كذا أهون وقول بضحي عشان منتداي الغالي!!!<<<الله من الصدز


أثرتس عليمية ماتعرفين المساجد صدق إنك ((عجوز)) والا ذي مانقوله هنا بس عالخاص<<<فضيحه

ياوخيتي والله موب بعيد بالحيل المشوار ماياخذ ولا خمس دقايق واهلي ايام الشتا يروحون يصلون الجمعة به على رجولهم بس انا وحدتن ماطيق المشي لو مايروحون بالسيارة مارحت ودام الله منعم علينا وش ورانا نروح
بس ترى ذا المسجد يجونه أهل الرياض من كل مكان ومالومهم شيخنا(( الهبدان)) مهوب اي شيخ الله يحفظه ويحرسه من العين يختي يهز الواحد هز بقرايته((موب رقص)) خشوع يخلي كل اللي بلمسجد يخشعون الله يجزاه الجنة
مير تراي عازمتس عليه سيروا علينا خميس وجمعه وصلوا به تراه على الدايري بمخرج(15) نطح اسواق المجد <<<<الله يخس بليستس كل الناس عرفوا وين انا ساكنه


لو يحصلي اشقل الشيخ لغرفتي بعد ماعندي مانع لا تفهمينن غلط بس ودي اصلي معه وانا بغرفتي واتهنى به بدون الزحمة

الله يرحم حال اللي عندي أنا صرافه له<<<<الله يخلف

اقول صدق ماننعطى وجه يالحريم لالقينا احد يدلعنا زودناها مير انا فكرتس ماجازت لي إن ماتكسرت رجولي من الدوران بالسوق ماكني رايحة وشول لا سوو اللي تبين وبعيد من يبدون عليه ومن يخلوون ولا ترى بعض الرجال مايحبون كل من هب ودب يطق بابهم يعني رجلتي موب هاين عليه يروح الدوام وهو خابتس تتاقفين عند الباب تفرجين على البضايع يالزينه مير تقبعي عباتس وروحي قضي لعييلتس برجليتس وخلي عنتس العجز وبزرانتس ذولا اشرطي عليهم من البداية قولي بتروحون معي خلوكم عاقلين والا ماعاد آخذكم ثانيه والا خليهم مع أبوهم الله لايهينه تراهم عياله زي ماهم عيالتس<<<تراي فرحانه إني جبت طاري ابوكم تو مازانت السواليف

اقول ماودتس بعد يخلون البنزين يوصلون للبيت يعني قبل تركبون مع ابوكم يزهم على البنزين يجي يعبي سيارتكم ولا يوقفكم ساعة عند المحطة!!!<<<<<الله هذي ثاني مره أجيب طاريه:30:



لا يابعدي ذي مختلطة زي الحدايق العامة بس فيه صرافات خاصات للحريم بس لونه اسود


الصرافه صدق غنايم والا انا ماوراي إلا الدجه


أي موضوع طويل!!!! ماخبرانا عندي مواضيع طويله يرحم حالي كلمة ورد غطاه شكلك مضيع يابو الشباب

صحح لنفسك اول همن اهرج أجل((ما شقت)) اقول كيف الحال!؟!؟!؟!؟!

اقول والله أنتس اردى من البزران اللي عندي كان لا بعدت النقطة شوي بهذلون قطعوا شرحي احسب عندهم شي مهم بالأخير معلمة النقطة بعيده وإلا البنت ساعة معلمة وأنا سافهته ومعلمة وانا مطنشته ومعلمة وانا ماكنه تحكي وبالخير لا قلت نعععععععععم قالت ماحطيتي ماطمستي حرف العين الله يطمس عيون العدو



حنا نقوله زيكم بس إذا بغينا نزيد بالتعجب نحط قبله الف يعني إذا كنتي انتي تسولفين ومتعجبة من شي ماتحطين قبلها ألف بس إذا أحد يسولف عليك وبثبتين له إنك متعجبه تقولينه أهوالات فقطبدون اي كلمة اخرى
إن شاء الله وصلت المعلومة


هيفاء2007شكرا على الوردتين ياوردة


كلي وناسه
الله يسلمك يالغالية

لي عودة للرد على بقية الأخوات الله لا يحرمن منهم

الله يقطع شيطانتس
ابرد عليتس عن المدقق الاملائي بس
انا ماأصحح الا الكلمات اللي فيهن غلط املائي لكن الكلمات الي الخطأ فيهن من العجله ولا حرف جنب اخوه وتلخبط الواحد بينهن منب اقول به شيء لكن انت وش جاب حرف الظاء لحرف الضاد كل واحد بجهه يعني خطاك مقصود لكن شوفي يوم كتبتي ( ((ندعسه يعمي نلفزة ) ماقلت لك غلط الكلمة لاني ادري انتس عارفه كتابتها الصحيحه بس لان الميم جنب النون لخبطتي شفتي اني مدقق امين
ماش ابردعن شيء غير المدقق
وبعدين عساتس توسع صدرتس يوم جبتي طاري ابونا الله يرحم حالتس ماسدتس اللي عندتس الله يزيدنا شكر النعمه ولا تبين واحد ثاني تراهم يفرحون بالمعلمة هههههههههههههههه

وموضوعتس الطويل اقصد به حق الحقاق ولا نسيتي الله يحسن لتس الخاتمة يابنيتي

أخت اشواق

أنتي أحلى بس والله إني صادقة هالعالم متزاحمين صافين طوابير على هالصرافات موب ضارهم لاحطوها مع جميع الجهات


أجل وش رايك أنا وأنتي نسوي هالمشروع !! أنتي عليك تعبينها فلوس وانا علي احط لها اربع وجيه بس تراي بدخل بوصطها واللي أصرف له باخذ نص المبلغ المصروف


الله يصجتس أنتي والمسلمة الحرة كان ماعندكم هرجه إلا الخطأ الإملائي وبعدين ترى ذا الجملة صارت قديمة فيه شي اسمه خطأ مطبعي وهذا مايحاسب عليه احد تطوروا وخلوا عنكم الإملاء


الله يسلمك مير انا مابي ملح ماعرف أطل غن جيت جيت وكبيت العفش كله والا ماجي خير شر
شكرا يالغالية



نسمة هوى

ابد ياعريتزي ماعندي خلاف اصول وجول ببنيات خلق الله الله ياجرني عليهم وياجرهم علي


وأنتي الصادقة بالع سمبوسة والقيمات لين أصيب بالتخمة

نصيحة مني لا تصيرين معلمة كان ذا شرحتس<<<<<تحطيم

إن شاء الله يوم بصورهم وحط لكم صورتهم بس ذكرون


يختي معه مرته والا أخته هماي قلت لك بنحل البطالة للرجال والنساء يصير كل واحد معه مرته لاصار رايح لبيت عوايل ولاصار بيروح لشقق عزاب يروح هو وخوه عشان يصير يسنده وكل واحد يحمي الثاني تعرفين معهم فلوس ذولا مهيب لعابيب بزران يعني مهمتهم صعبه


عاد أنتي خلتس ذهينه موب تصرفين باخر الليل لاجا العصر ازهمي عليهم ويجون لمتس كنتس تتكزين فلوستس للضعوف ولا جا الليل اطلبي عشا يعني سوي حركات وتمويهات


هالحين كل ذالنقد وبالأخير عاجبتس الفكرة صدق إنتس حرمه ناقصة عقل ودين<<<<<وأنتي وش أنتي


الله يجزاتس خير ووياتس وعسى اللي جمعنا بالمنتدى يجمعنا بالجنة



المسلمة الحرة
شيطاني مهوبوه هالأيام ماخذ غجازة لمدة شهر وبيرجع الله لا يعقله


ردي ولايكثر الله يخوي العدو


الشرهه مهيب عليتس على اللي ينزل موضوع
مير النوبة الثانية اراجع اللي أنا كتبته ألف مرة قبل انزله احسب عندي ناس يقدرون إني معلمةومشغولة ورمضان ومنزلة موضوع مادريت غن البزران وراي وراي
عموما شكرا وجزاتس الله خير وصراحة أبدعتي بالشرح بس الله لايهينتس لاتعودينه وسلمي لي على المدقق وقولي له توبه ماعيده وخليه يسوي لي أختبار ثاني والا صح الغوا الإختبارات خليه يقيمن مره ثانيه <<<<متأثرة بالتقييم والله ما أنلام صجونا به


مايهناتس كلمة ورد غطاه بس اسملي وش عندس بعد

يختي ابونا غير واللي عندكم غير تعرفين دايم اللي مع الناس زين!!!!<<<<قويه صح!!!أوجسي استحيت


أنا ماعرف شي اسمه حقاق واصلا وشي هالكلمة ماقد مرت علي!!!
وبعدين أنتي اكثر وحدة تعرفينن مانزل كلام طويل ابد ابدأبد
كل مواضيعي ماتجي سطرين وإن كثرت 4-5 اسطر ولا نيب من النوع اللي يماطل بالشي خاصة لاصار جايب هدايا معه أنا ضعيفتن مسيكينه ماعندي لف ودوران اللي عندي اقوله مرتن وحدة مير لا تتقولين علي

ههههههههههههه

يا حبيلس يا ابلتي

والله انتس خفيفه دم

صدق ليش ما يوصلون طلباااااات<< مطعم على غفله

ولا تحرمينا من طلاتس بس لا تصبخين البيبان

بشويش ادخلي واطلعي

هلا وغلا

قبل ما اقرق دااايم اسالك السؤال


هل صدق انت هبله قصدي ابله

يا معلمه
؟؟؟؟
المهم اخبارررك وعلومك

ترااي برسلك على الخااص بس وشووله نصف سرا اخااف تصورينن وتنشرينن بحواء والا بلوتووث

المهم رمضاان كريم ومبارك عليك الشهر

والله شئ مواضيعك

درر تخررج من حنجرره لا عدمنااهاا
المهم يا بعدهم اذا اصبرري تقوول اختي كشه اكتبي له اللي به فووك

تعني لا فض فووك
يعني لا وضفووك بالاصل طبعا اقصد الحكوميه لاني اكتشفت انك صددق ابله ما شاء الله عليك

ابشررك نجحت بالمحمول اللي عندي واهلي سوو عزيمه لي برمضاان وفطرنا لكل الحاااره ذااك اليوم من الفرحه البنت اول مررة تحمل بسم اله عليها

وتعرفين وحاام وحاله




المهم الله يبارك فيك عاارفه بتبااركين

موضووعك شئ والله يا هالزحماات شئ

بس تدررين ذااك اليوم حق اليوم الوطني كنت بالفيصليه الليله اللي صاار من بكرا صياام الجمعه

كنت راازه رووحي وواقفه عند الصرااف اللي فوق

الا تطلع اللي ورااي بطاقته قلت اووه لازم استعد

وافتح واطلع

واسمي واصررف ومن اخلص اطلع البطااقه الثاانيه واصررف

واخلص من الثاانيه واطلع الثالثه واصرررف

عاد لا تسالين ورااه لامر طارئ لازم من كل وحده حته حتى انوااع واشكال الراجحي والثاني سامبا والثالثه الاهلي هع هع

تقل خبله لدررجه اللي ورااي شووي وتقوولي اذا مطوله بصررف وكملي

لا ابشررك خلصت

والله وارووح حتى من الحووسه والخبه ما شرينا شئ ذااك اليوم نتفررج بس بدلت جزمه الله يكرمك
وتشيرت وبس

88
ما شريتي هاااه

المهم

لا تكثر

موضووووووووووووعك فله

بس ارسلي لي على الخااص راابط موااضيعك كل ما نزلتي


ويسلموووا


اقووول منااير كل عاام وانت بخير


والصراافه لا بغيتي تذبحين السوااق وتاخذين الفلووس الاله ماا رااح تطيعك



سلاامي للجميع

عسلــــــــــــــــــــــــــــ مداد المشاعر ـــــــــــــــــــــــــــــــــــيمه