زوجـــة آدم :

صباح الخير عزيزتي حالتك تحتاج طب نفسي مع رقية شرعية انتِ ترقين نفسك مايحتاج راقي واقري او شغلي عندك سورة البقرة كل ثلاث ايام لان كما جاء في الحديث اخذها بركة وتركها حسرة ولاتستطيعها البطلة اللي هم السحرة وبالنسبة للراقي وعلى حسب كلامك والله اعلم حتى لو شخصك مس مع انك انتِ عطيتيه هالتشخيص بتصرفاتك وكلامك عن حالتك إلا انه مايحق له يسب غيره من المقرئين لانه وقتها يبي يميز نفسه ويمدحها واحتمال يكون ماعنده ماعند جدتي بالذات لما قال يشوف الجني!!! وكله كووووم وانه يجلس عندك من 7 الى 1 ونص كوم ثاني صار دوام 6 ساعات ونص الى قبل منتصف الليل اهلك كيف وافقوا وليه يرضون يجلس لين وحدة ونص من الليل اولاً الرقية ماتاخذ كل هالوقت حتى للي ممسوس فعلاً بالذات لو يقرا كل هالوقت لأنها ممكن تسبب وفاة على يد المس بإرادة ربي طبعاً ثانياً بفهم 6 ساعات ونص مقابلك وش يسوي كل هذا بس يشربك موية زمزم وعسل؟! ثالثاً في كل هالوقت هل معك محرم؟! ترى في الرقية الشرعية عند رجل لابد من وجود محرم لانه مو محرمك حتى لو مطوع رابعاً حتى لو شيخ او مقرئ ممنوع منعاً باتاً يلمس النساء من مريضاته يقدر يعطي المسك امك والا اخوك والا انتِ عشان تحطينه لان هو مو محرمك وحراااااام غير محرمك يلمسك حتى لو شيخ لان مافيه ضرورة تستدعي لمسك يعني مو طبيب ولا شي مالك بديل عنه خامساً مع احترامي لاهلك الا انهم يجهلون كثير من امور الرقية والا كان ماسمحوا له يجلس 6 ساعات ونص والمفروض من سمعوه يقول اشوف الجني!! كان صرفوه وطلعوه من البيت لو علي اقول يطردونه بس عيب لكن برضوا اهلك معذورين والعتب عليك خوفهم عليك اعماهم وانتِ قاعدة تصرخين وتستهبلين تلقينهم حتى هم صدقوا انه مس وهذا تصرف غير صحيح ولا اعتبره ذكاء جالسه قدام الرجال 6 ساعات ونص عشان تقيسين مدى ذكائك لا واكيد كاشفه بحكم حطلك مسك ع خشمك! لاتزعلين بس تمثيل 6 ساعات ونص وصمدتي كل هالوقت وانتِ تمثلين ولا ضحكتي ولا انكشفتي ولامليتي ولو ماقال بطلع واجي ثانية كاااان كملللللتي إلى أن يشاء الله وبرضوا عادي جالسه مع رجال مالك شغل معه فقط تستغلينه معليش صادقه اللي قالتلك في أول رد انك جريئة يمكنك صغيرة بالعمر لكن تصرف مثل هذا مايطلع من صغيرة رقصتي الشيخ وحتى اهلك على اصبع لذلك معليش تصرفك غلط مع انك كاتبته بكل فخر وتوقعتي نصفق لك! الله يشفيك مما فيك يارب كان دعيتي ربك ولجئتي له في الوقت اللي ضيعتيه على نفسك وعلى الرجال وعلاجك عند طبيب نفسي وترى الطب النفسي مو عيب زيه زي اي عيادة ثانية واذا انتِ من الرياض انصحك بعيادة مطمئنة للدكتور طارق الحبيب واذا تبين مساعدة واستشارة بدون علاج عندهم أ. هيا السويلم ماراح تقصر معك ان شاءالله وهي بتشوف اذا تحتاجين تحولك على طبيب نفسي عندهم او لا موفقه :26: ولعاد تتعودينها :biggrin:

صباح الخير عزيزتي حالتك تحتاج طب نفسي مع رقية شرعية انتِ ترقين نفسك مايحتاج راقي واقري او شغلي...

لا هنت يا دمعي :

. . عزيزتي .. الله يهديك اللي سويتيه خطأ و تبينا نضحك ؟ أنتِ تعرفين أن الرقاه دائماً يعطون من وقتهم للمريض و يحاولون يجتهدون قدر الأمكان بمعالجته بالقرآن و هم يشخصوون الشخص ع حسب مايرونه من الاعراض اللي تظهر ع المريض هم بشر وليس ملائكة .. تاره يخطئون وتارة يصيبون لاتلوميهم فالرسول صلى الله علية وسلم قال (المجتهد المصيب له أجران والمخطئ له أجر) و اللوم ليس عليهم .. بل ع المريض اللي دائماً يحآول يعرف مابه وينشغل بذلك أنتي قلتيها أن الراقي شكله صغير .. هذا يعني أنه لسه مبتدئ بهالمجال و الأخطاء وآرده .. فهو أيضاً أخطأ بأشياء بس أنظري الى حسناته.. لاتنظرين الى سيئاته هو كان مجتهد .. وكان يحاول أنه يعالجك ويساعدك و أنتِ طول الوقت جالسه تمثلين ؟ مثل الطبيب .. لو جالسه مثلاً تمثلين ع الطبيب انك تعبانه وتقولين أشعر وأحس بكذا وكذا رح يشوف وش المرض اللي أعراضه مثل الاعراض اللي قلتيها ورح يكتب لك وصفه علاج !! الا عاد أذا كان فيه فحوصات وتحاليل بس بالعالم الروحاني .. الراقي فقط يشوف الأعراض ويشخصك ع حسب الاعراض اللي تطلع وترى تصير فيه أخطاء عشان كذا الرقاه نبهوا المريض انه يركز ع العلاج أكثر شئ ولاينشغل باللي فيه واللي مافيه و الله يمن عليكِ بالشفاء أن شاء الله ~ حاولي تروحين على عياده نفسيه .. وبنفس الوقت أرقي نفسك خاصة أن عندك وسواس ترى الرقيه لها أثر جميل ع كل شئ ..وفيها شفاء وبنفس الوقت روحي للراقي ونبهيه ع الأشياء اللي أخطأ فيها اللي قالتها العضوة ترى (الدين نصيحه) بس عندي سؤال خارجي : كيف الراقي الأول حكم عليك أن عندك عين أعجاب ؟ . .

. . عزيزتي .. الله يهديك اللي سويتيه خطأ و تبينا نضحك ؟ أنتِ تعرفين أن الرقاه دائماً يعطون من...