وووووووووووواو فليكس معلووومة خطيره تعالو بسرعة لاتفوتكم

السلام عليكم
مرحباً بالجميع
فقط حبيت اذكركم اخواتي الغاليات بغمرة الانبهارلاتنسون خواتي ان فيلكس كافر -الله يوفقه للإسلام-
يعني لاتنسينا الدهشة مسائل الولاء والبراء والكلام موجه للي يقولون الحمد لله على سلامته وسلامة الاسفار وما اشبه ذلك
هذي نقطة، النقطة الثانية بدلا من التركيز على جانب المغامرة والانبهار والاعجاب بالقفزة خلونا نركز على جوانب ثانية
خلونا نتأمل في صنع الله البديع وعظمة الله سبحانة وتعالى والله وانا جالسة اشاهد القفزة قاعدة اتفكر بالكون والكرة الارضية ومشهد الكرة وهي تدور سبحان الملك القدوس
ومسألة ثانية شوفو الغرب كيف يفكر ويخترع ويبتكر بغض النظر عن الحلال والحرام في الموضوع ، لأن الله يقول :" ولاتلقوا بأيديكم الى التهلكه" -وانا لا افتي في المسألة - لكن شوفوا كيف كرسوا وقتهم وجهدهم وطاقاتهم للعلم ترا الانجاز هذا كان تنيجة بحث ودراسة وصبر وتصميم
سبحان اللي وهبهم العقول
وخلونا نسأل انفسنا خواتي مين اولى بالاهتمامات الجادة هذي احنا ولهم هاه يا أمة "أقرأ" وش فلحنا فيه؟؟؟؟؟؟ ماهي انجازاتنا؟؟؟؟

الغرب وصلو الفضاء واحنا شاطرين في ضياع الاوقات على التفاهات والترهات
باختصار لايكون تركيزنا على الحدث بل لنفكر بما وراء الحدث وقبل شي بعظمة الخالق سبحانه وتعالى اللي ابدع هالكون ومنّ على بني آدم بنعمة العقل
سبحان الملك القدوس

همسة: الى كل اخت في كرب اوشدة اوضيق وتنتظر الفرج، الى كل محرومة اومظلومة اومقهورة، الى من تخاف من مكراو من عدو متربص او كيد وتريد الحفظ والظفروالفرج من الله ، اعلمي انك تأوين الى ركن الشديد ورب قوي عزيز فالذي خلق وابدع وصور هذالكون برمته لا يعجزة قضاء حاجتك ولا ينقص ذلك من خزائن ملكه مثقال ذرة فمدي اكف الضراعة إليه وحده وعلقي قلبك به وتبرأي ممن سواه.