بسم الله الرحمن الرحيم
السلام عليكم ورحمة الله وبركاته 00000000000 وبعد
هذه قصه تدور حول مدرسه ابتدائيه في الرياض وهي واقعيه تعيش معها فتيات لا تتجاوز اعمارهم الثانية عشر في السن الذي لا بد من توجيه صحيح من قبل المدرسه والبيت ايضاً ولكن في المدرسه تتقيد بمدرساتها وزميلاتها ومديرتها الاكثر فالاكثر
فكيف لو نقف لحظات عند مديرة المدرسه مرشدت الطالبات الى الطريق الصحيح فكيف لو كان العكس؟
نعم العكس !
نعم العكس الذي تتعايش معه تلك الطالبات الذي تدرسهم على الحقد والغش والحسد والغيره !
تقولين كيف؟
اقول لكي مثلاً كل فتره من الفترات وغالباً ما يكون كل شهر مره تضع يوم مفتوح وهنا تبدأ الفوضى الذي تبيع فيها سلعها وتضاعف الاسعار على تلك الطالبات0
مثلاً كتاب قصص للاطفال بريالين وموضوع عليه استكر انه بهذا السعر تضع عليه خط صغير لكي لا تشاهده الطالبه وتبيعه بخمسة ريالات هذا اولاً
ثانياً تاتي بما يسمونه الاطفال بــ (النطيطه) العبه المحببه لديهم للمدرسه ويا الله يبدا الشغل كل طالبه تنط خمسة عشر نطه بريال واذا لاحظة ان الطالبات بدو يخفون زادت عشرين نطه بريال ويا الله على هذا الحال
الحين بتقولين ما راح تنظم الطالبات وتعد لهم بالضبط ؟
بقو لك لا منضمتهم تنضيم 100% ( حريصه على حلالها )بحيث تجمع الطالبات الي بينطون وتخليهم يعدون لطالبه الي تنط بالعدد الي قررته هي بنفسها وطبعاً المدرسات مامورات بهذا الشيء ومخلينها على راحتها ويساعدونها 0
ثالثاً النقش بالطبع (انا والله ما عرفتها الى في هذه المدرسه ولا عمري شفة شكل الطبعه) وهي تطبع على يد كل واحده يد واحده فقط والاختيار يعود لطالبه وجه اليد والا القفى والسعر حسب حجم الرسمه كبيره بثلاثه ريال والنقشه الصغيره بريال ولو تجي عليه نقطة مويه انمسحت( مو ظلم كذا يا ناس 0)
بتقولين الي ما يبي لا يدفع ولكن ذولي اطفال والطفله صعب انك تنهينها عن شيء واكثركم امهات او اخوات وتعرفون الاطفال ولا تبين تقصرين عليهم 0
بتقولين المديره حالتها الماديه ضعيفه ؟
بقولك فيه ناس يعرفونها ويعرفون بيتها الي هو بجوار المدرسه ويعرفون احوالهم الماديه زينه اوممكن فوق الممتازه
وانا شفت بيتها من الخارج ما شاء الله كبير وظامها هي واولادها وضرتها وزوجها واخوان زوجها ولهم محلات تجاريه كثيره ما شاء الله اللهم لا حسد 0
وفوق كذا اخلاقها ما تهيء انك تجلسين معها ما هي اجتماعيه نهائياً
تتنرفز من أي شيء وتحلفك على اتفهه الاسباب مثلاً جيتها مره اسجل بنت اخوي والله انها تحلفني انت وياها ساكنين في بيت واحد واحلفي ان المدرسه بجنب البيت هل هذا معقول ؟
فيه مديره زي كذا والله لو المدرسه مو بجنب البيت ما اسجل لا بنت اخوي ولا اختي فيها 0
انا لا يهمني كل ما قلته من كلام ولكن الموقف الذي فعلاً عرفت ان الحقد يقع في قلبها وهو منقول من احدى من تعايشت معها في ضل المدرسه
انه في احد الايام جاءت المستخدمه بكيسة شيبس تبيعها على الطالبات (تترزق الله ) والطالبات يشترون منها قامت هذه المديره بنفسها وتدور على الفصول فصل فصل وتقول لا احد يشتري منها الشيبس الي معاها مسموم
فكيف تتوقعون من المستخدمه الا ان تدمع عينا تلك العجوز المسكينه التي لا حول لها ولا قوة ثم انقطعت المستخدمه عن العمل نهائياً بسبب ذلك الموقف 0
وفي اليوم التالي بالضبط الى وهي المديره بنفسها هي الي تبيع على الطالبات في الساحه 0
وما خفي كان اعظم !فما هو رايكم في هذا الوضع ؟
والله انها عن تجربه وشهود عيان لتلك المدرسه وانها هذه المديره معمره في هذه المدرسه لو بحلف ان لها عشرين وما فوق حلفت 0
الحين ابي رايكم في هذه المدرسه ولا تقولون لي نقلي اختك وبنت اخوك لاني ما اقدر هذه المدرسه قريبه مني مره !
ممكن ان تعبيري لم يهيء للحماس او فيه نوع من الخبطه ولكن اعذروني من الي فيني ما قدرت اوزن كلامي !
دلع اهلها @dlaa_ahlha_1
عضوة نشيطة
يلزم عليك تسجيل الدخول أولًا لكتابة تعليق.
يمامه تو
•
انا بقولك شرها مهوب عليهم شرها علي ادراة تعليم البنات الي سمحتلهم يحطون يوم مفتوح لان المقصف صار مهوب تبع المدرسه وصار ايراده يروح الشركه الي تشرف علي المقصف وذا شركه الله اعلم من لي مستفيد منها وكله في ظهر المواطن الي يشفطونه من كل صوب اللهم لك الحمد وشكر
لاحول ولا قوة الا بالله ماعادفيه مدارس زي الناسلاحول ولا قوة الا بالله ماعادفيه مدارس زي الناس
يـ ام عبدالرحمن هذي اقرب مدرسه عندي كان فيه مدرسه شحلاتهم لكن من زين الحظ نقلت لمكان بعيد من بيتنا
الصفحة الأخيرة