لصاحبات الخبرة... مين افضل البورسولان المطفي والا البورسولان اللماعي؟؟

مرحبا يا صاحبات الذوق والفن....

بدي خبرتكم وتجربتكم في هالشغلة....

وصلنا في بيتنا لمرحلة البلاط......وانا محتارة بلون البلاط....بس ممكن الكريمي...كمان محتارة احط بورسولان لماعي والا بورسلان مطفي (مط، معتق) وسبب حيرتي اني ما عندي خبرة لان البيت اللي ساكنه حاليا فيه مبلط بلاط بلدي.
وما بعرف مزايا وعيوب كل نوع...
بس تقريبا اتخذت القرار في نوع البلاط لغرف النوم....
بلاط اسمه (بزرة بلدي) نوعه جيد ورخيص مقارنه بالكروميكا والبورسلان، وما بيزحلق ابدا، وانا رح اعمل هيك لانه غرف النوم بعد فرشها بالسرير والخزانه والبيرو والكوميدينات ما بيظل مساحة ظاهرة منها الا شوية ممرات لانه الغرف مساحتها 4*4 او 4.5*4.5
كمان الغرف رح تنفرش موكيت أو سجاد فما في داعي احط لها بلاط غالي.

اما بالنسبة لغرفة الجلوس لافراد الاسرة فهي مفتوحة على المطبخ (نظام امريكي)، وعندي صالون استقبال مع غرفة سفرة مساحته 6.25* 4.80 ، وفي الجلوس والمطبخ والاستقبال رح احط البورسلان بالاضافة للمرات.

الرجاء من اللي عندها خبرة تنصحنا بالافضل.

ولكم جزيل الشكر