وسفرتنا كانت لقرايب لنا ،، فالسفر ايجابيات كما ان له سلبيات ،، وهذه السلبيات بأمكاننا تجنبها ..
الان غالياتي ستحلقون معي في سفرتي وسأخبركم بكل ماواجهني .. بس عاد استروا ماوجهتوا خخخ
تجهزنا وركبنا السياره وانطلقنا ،،
طبعا المفروض اقول دعاء السفر ،، لكن للاسف ماني حافظته ؟؟
وزوجي كان معصب وجزاء لي ماقالوه بصوت مسموع :30:
بس والله توني اعرف فضله ،، دايما اذا سافرنا اقوله وسبحان الله اكون مرتاحه لين نوصل ..
بس للاسف المره هذي انواع الوسوسه ،، واتخيل اشياء تصير ؟؟
وماصدقت نوصل ،، عاد اللي كمل الناقص اخوي كلمته قلت حنا على وشك وصول ونشوف انوارهم ،،
قال الحمد الله يارب تشوفون انوار الجنه :eek: عاد تخيلت الربع ساعه الباقيه بيصير شي ..
توبه ماعاد انسى الدعاء ..
ومن الاشياء اللي افرح فيها وقت السفر هو الدعاء سبحان الله له لذه بالذات مع ظلمة الطريق..
واذا ذكرتي ان الدعاء في السفر من مواطن اجابة الدعاء ..
هذا الرابط من موقع الشيخ العثيمين يوضح الحكمه من ان دعاء المسافر مستجاب ..
السائله منى ابراهيم تسأل .....؟؟
وصلنا ولله الحمد وكان استقبال حار كله حب وشوق ،،
جلستنا كانت اربعه ايام ،، اليوم الاول كان اجتماع رائع ... انتهينا ونمنا :)
بدأ يوم جديد وكالعاده اجتمع القرايب وكانت جمعه جميله تسامرنا وتجاذبنا الحديث ..
انتهى اليوم وبدأ الكل يرجع لمنزله ،،
الا احدى الغاليات جلست معي ،، هذه انسانه لها حب وتقدير كبير في قلبي ..
كانت لحظات رائعه .. اشعر براحه كبيره بالجلوس معها .. تكلمنا وآخذنا راحتنا بالكلام والضحك ...
ولكن للاسف تطرقت لبعض الامور ؟؟ فلانه قالت كذا وفلانه سوت كذا وحصل مشكله بين هذي وهذي ؟؟
اغتابت هذي الانسانه الغاليه ،، وانا ساعدتها بسكوتي ،، الغيبه كبيره من الكبائر كما قال عنها شيخنا ابن باز ،،
اي حب املكه لها ؟؟ وانا لم استطع ان انصحها واذكرها بهذا الحديث المخيف ..
يقول صلى الله عليه وسلم:
(أتدرون من المفلس؟ قالوا: المفلس عندنا من لا دينار له ولا درهم، قال صلى الله عليه وسلم: لا.
المفلس من يأتي يوم القيامة بحسنات كالجبال، ولكن يأتي وقد سب هذا، وشتم هذا، وهتك عرض
هذا، وأكل مال هذا، فيعطى هذا من حسناته وهذا من حسناته، حتى إذا فنيت حسناته أخذ من
سيئاتهم فطرحت عليه، ثم طرح في النار)
و قال الشيخ سعيد بن مسفر ان سماع الغيبه معصيه لأن الغيبة لا تتم إلا من طرفين :
مغتاب وسامع ، هل يوجد مغتاب يجلس في غرفة ويغتاب؟ من يغتاب معه؟ هل يوجد من يسمع؟
فإذا سمعت الغيبة فأنت أحد المغتابين وبمجاملتك وسكوتك فأنت المغتاب الثاني ، ولك صورة
طبق الأصل من معصيته ؛ لأن الغيبة لا تتم إلا من طرفين، مثل الزنا لا يتم إلا بطرفين،
وهذا الرابط لي ولكل من يخجل من انكار المنكر من موقع الشيخ ابن باز رحمه الله ..
ما حكم الخجل من الإنكار على أهل الغيبة والنميمة
فالوضع خطير ياغاليات لايكفي ان نجاهد انفسنا ولا نغتاب ...احيانا ربي ينعم على البعض بكرهه للغيبه والكلام بأعراض الناس ،،
وكثير نواجه ناس ماشاء الله معرضين عنها ،، ولكن هل يكفي هذا الاعراض ؟؟ هل يكفي ان نجلس شهور ونحن في مجتمع يساعدنا على عدم الغيبه ؟؟
وفي يوم وليله تجدين من يتكلم ويغتاب وينتهك الاعراض وانت ساكته مستمعه ؟؟ لايكفي ان تكرهي هذا الامر بنفسك ،، لازم نتكلم ونسكت اللي امامنا بلطف ..
وطبعا انتهت جلستنا وذهبت هذي الغاليه الى منزلها ..
وبدأ يوم الجمعه الفضيل وبدأته بسماع الغيبه ،، هذي تسب زوجها وهذي تذكر عيوب زوج بنتها ؟؟
والغريب ان حسناتنا توزع واحنا نضحك ونسولف ومبسوطين ؟؟؟
وانا مستمعه ولا حركت ساكن ؟؟ لو كنت من البدايه حازمه في هذا الامر كان الكل سكت ولا اغتاب ،،
امور محرمه وكبائر ،، بنصيحه بسيطه ممكن توقفين هذا الامر ... ولكن ينقصنا الجراءه والقوه بالحق ..
الغيبه من الامور اللي تواجهنا بالذات بالجمعات ،، فلازم نكون حرصين ونوقف هذا الامر الخطير ...
غير انه ممكن تواجهنا امور ثانيه لاننا في منزل ليس منزلنا :
هذي لبست عبايتها وللاسف غير ساتره ؟؟
واللي طالعه بدون شراب يستر قدميها ...
غير وجود الشغاله بلبس غير ساتر او مواجهتها للرجال ...
او وجود القنوات ،، هذا مسلسل وهذه اغنيه ؟؟
تأكدي انه لا يكفي ان تذهبي وتتركيهم بدون نصيحه ،،
هذي الامور كلها اذا سكتنا عنها فنحن آثمون ؟؟ لابد ان ننكر المنكر بالذات اذا كانوا قرايب ،،
البعض يجهل الحكم ،، البعض لاهي غافل ومجرد التذكير يرجع ..
ادري ان الامر صعب على البعض وفيه اللي تملك الجرئه وتنصح ،،
وفيه اللي ماعندها القدره على الكلام ... وانا اعاني من هذا الامر ...
طيب وش الحل ؟؟ خلاص نسكت ونأثم وبس ؟؟
الحل حاولي تتغيرين للافضل ،، وتقدمين النصيحه بأسلوب <<<<<<<< علمي نفسك :35:
الحل الثاني والكل يقدر عليه ومالنا عذر ،،
( قبل نروح للمكان اللي نتوقع فيه بعض المناكر نشتري كتيبات واشرطه تناسب الوضع ونهديها للجميع ،،
و يكون الجوال فيه مقاطع ونصايح ونرسلها لهم ،، وانتهت القضيه بدون صعوبات )
اهم شي نحسن اختيار الاشرطه فيه بعض المشايخ اسلوبه ينفع لفئه وماينفع لفئه ثانيه .. عاد حسب اللي بتقابلينهم ..
و فيه اللي اسلوبه فيه بكاء وصوت عالي وتخويف اكثر من ترغيب هذا ماينفع لكل الناس ،، و اذا انت يأثر عليك ،،
ممكن الغير يخوفه ،، فكل وحده اعطيها اللي يناسبها ...
طبعا هذي فكره للي يبي ينصح ويكسب اجر ،، وممكن ربي يهدي
على يده احد ،، ومنها ينجوا من اثم السكوت عن المناكر
طبعا مابعد نفذتها ،، الله يقدرني على فعلها في الجمعات الجايه .
عاد الان وصلنا للنهايه ،، وقبل نسافر ونرجع لبيتنا بقولكم هذي القصه اللي صارت ..
وحده من الموجودات كانت بينها وبين وحده تعرفها ( ماتقرب لها ) موعد و بتجيها في بيتها ... تجهزت وراحت دقت
الجرس ..
ولا احد فتح ،، سألت الحارس قال صاحبة البيت ماتت ؟؟؟ ونقلوها للمستشفى ؟؟ وكان السبب سكته قلبيه ؟؟
والان هي بالمغسله ؟؟
وبصراحه كانت صدمه قويه لقريبتي وللكل ،، ورجعت تبكي وتصرخ وتقول ياربي انا تبت من كل شي وكانت مره منهاره ..
والله الدنيا صارت تخوف وموت الفجاءه كاثر بشكل مرعب ..
طيب الى متى ونحن في غفله ،، الى متى سماع الاغاني ،،
ممكن الوحده تطلع لمشوار وهي لابسه لبس غير جائز وبرضوا لابسه عبايه غير ساتره متعطره متبرجه ؟؟
طيب هل تضمن العوده والاستغفار والتوبه ؟؟ او ممكن يفاجاءها الموت قبل الرجوع ..
الى متى القنوات في منازلنا ؟؟
لازم نراجع حساباتنا ونتوب ونترك المحرمات و كل مايغضب الله ؛؛
خلاص قرري ترك الاغاني ولبس العبايه الساتره ،،
قرري ان لاتنمصي وتخيلي لو توفاك الله وانت ملعونه ومطروده من رحمة الله ،،
اقدمي و افعلي مباشره لاتسوفي فالموت يأتي بدون موعد .
يارب احسن خاتمتنا وتوفنا وانت راضي عنا .
انتهت زيارتنا ورجعنا ولله الحمد ..