يابنات محتارة وقولت أستشيركم ممكن شوية ؟؟؟؟

السلام عليكم
كيفكم يابنات اتمنى الجميع بخير وعافية
بدخل بموضوعي على طول بنات انا زوجي ناوي يشتري بيت ملك لأننا بإيجار والحمدلله لقى بيت كبير وبحي راقي وكل شي تمام بس نجي لمربط الفرس البيت مرة غالي فوق المليون وزوجي عندو ارضين ماشاء الله يبغى يبيعها وبياخذ طبعا قرض من البنك لأنو مامعاه المبلغ كامل وقالي شوفي ترى انا بشتري  البيت عشان ارتاح من الإيجار بس بشرط الراتب اغلبو حيروح للبنك سداد وماراح يبقى الا 3500 ريال بعطيك 2500 ريال   مصروف للبيت من والى  و 1000 ريال معاه للبنزين ،،. طبعا انا موظفة وقالي اللي ينقص حاولي تكمليه انا ما عندي الا بنت وحدة وهو خيريني اذا وافقت بيشتري البيت طبعا قالي عشان ما نختلف بعدين  نتفق من الان واذا ماني موافقه بنجلس بالإيجار ،، طبعا قالي انسي موضوع السفريات والصرف لأننا بنقتصد اذا اشترينا البيت وكمان يبغاني افرش البيت لان كل اللي الفلوس اللي عنده حطها في البيت ومايبقى شي
انا ما عندي مانع اساعدو بس محتاره يابنات قولت أستشيركم خصوصا ان البيت عجبني وحلو ماشاء الله ومتشجعه بس أخاف المصروف ما يكفيني  واجلس اقول ياليت ما وافقت خصوصا اننا حنجلس على هذا الحال فترة طويلة على بال مايتسدد القرض
أنتو ايش رأيكم لو كنتو مكاني