شحالكم ان شاء الله بخيير
حبيت اسرد لكم قصتي ومعاناتي مع الاسنان اللي الحمد الله انتهت :09:
اول شي انا عندي فوبيا الاسنان وهو مرض الخوف الشديييييد من طبيب الاسنان:D
المهم اقرو القصه :
يوم من الايام كان ضرسي وايييييييد يعورني بس الم محتمل طبعا قلت الم ويروووح
وقعدت اكل فالادويه من بندول اكسترا ال الفولترين والبروفين
وعقب ماخلصت الادويه ضرسي مافييييه اي الم وارتحت واااايد وبعد اسبوعين
رد الالم ضعف الاول ويالله شو تعبت هذيك الايام والله لا رقاد ولا اكل مثل الناس
ارقد الساعه 12 بالليل والساعه 2 واعيه من الالم
واخر شي قلت لازم اروح لدكتور الاسنان وبحاول اني مااخاف ورحت وانا قلبي يدق يدقق من الخوووف
واول مادشيت الغرفه وانا انااظر ادواات الدكتور وخلاص ريولي ماتشلني ..><
بعدين خذ صوره لاسناني وقال واصل العصب ولازم انعالج قلت انا ماحب اسمع صوت الاله وززززززز
اخلع الضرس احسن عطاني ابر مخدر والضرس مايتخدر :44:,, لاحول ولاقوة الابالله
بعدين استسلمت وقلت خلاص شيله وحاول يخلع الضرس لكن مب راضي وانا صوتي واصل لاخر الدنيا
وعقب انكسر الضرس نصفييين وقلتله خلاص ماابااا ماباا اباا ارجع البيت >>> يااااهل هع
المهم عقب قللتله ابا تخديييييير كااااامل .. ووافق وحجزت غرفة العمليات وحددنا موعد العمليه
وعقب مارديت البيت لا الم ولاشي وابدا ماحسيت بالضرس لين يوم العمليه
يوم العمليه الساعه 7 الصبح ::22:
طبعا نشيت من الساعه 5 وانا خااايفه والتفكير طاغي علي واقترب الموعد وسرت المستشفى
قعدت هناااك وودوني غرفتي وحطوولي مغذي وعطوني ابى للاسترخاء وقابلت دكتورة التخدير والدكتور اللي
بيشتغل فاسناني هيه صح نسيت اقولكم طلع عندي 5 ضروس خربانين )) . المهم على الساعه 10
رحت غرفة العمليات في شي قهرني لازم ماتكونين لابسه الا ثياب المستشفى طبعا اعني عصبت
بس شو اسوي ما باليد حيييله .. دخلة غرفة العملياات واشوووف الادوااات وانا ميتع من الرعب والخوف
وشوي اصرررخ واقول مااااااااااااابااااااااااااااا
بس سكتت وماقلت شي حطولي لزقات مال القلب والاكسجيييين وبعدين رحت عااااااااااااااااااااااااااااااااااااااااااااااااا ااااااااالم ثااااااااااااااااااااااااااااااااااااااااااني
وما وعيت الا وانا فالغرفه وماامصدقه انتهى الكاااابوس صحت من الفرحه ومن الالم لان العمليه استغرقت اربع ساعات
وان حلجي مبطل 4 ساعات فـ كان الم فضيييييع فـ ويهي وعلى طول الدكتوره عطتني ابره وخلاص ماحسيت من عقبها
باي الم .. الدكتور سوالي خياطه مكان الضروس اللي خلعهم ولين الحين مب راضيه اروووح ابطل الخيوط من
الخوف
, والحمد الله السسترات تعاملهم وايد طيب والابتسامه ماتفارق الويه ..حجز غرفة العمليااات كلفني : 10 الاف درهم
والشغل مال الاسنان : 6 الاف درهم وكلهم 16 الف درهم
والحمد الله على كل حااااااااال والحين مرتاااااااحه...
والسموووووووووحه طولت علييييكم ..
مع السلاااامه
ملاحظه : القصه حطيتها في منتدى ثاني بعد .. للتوضيح
والحمد لله على السلامه
انا نفس قصتك يااختي
بس الدكتور اعطاني مضاد حيوي وقال بعد مايروح الاتهاب تعالي نسويلك عمليه
يعني مو يكون ملتهب ويحاول يخلع الضرس اموت والله هههههههههههه
وهذا انا انتضر الايام عشان العمليه
ومافيك الا العافيه غلاتي