السلام عليكم
بصراحه انا مالي بالمقدمات فبدخل بالموضوع علطول
قبل فترة يمكن من عشر شهور كان عند زوجي لابتوب وكان دايم عندي وادخل عليه عادي واتصفح منه ولقيت مره فيه ملف كله افلام وسسسخه وقلتله وقال هذا صديقي ماخذ الابتوب ومحمل فيه وعديتها بس جاله وقت صار ياخذ الابتوب ويسهر عليه واكتشفت انه عنده افلام ومقاطع بالهبل ويسهر عليها وماقلتله اني داريه بس سويت مشكله على سهره مع الابتوب وانه مضيع وقته وهو حاس اني داريه على ايش يسهر ودايم يسألني انتي ليه كارهه الابتوب واقوله كذا من ربي وطلعه من البيت وارتحنااااا
المشكله الحين قبل كم يوم دخلت عليه المجلس وكان بوضع مو مطمئن وخبى جواله علطول انا حسيت انه في شي وانتظرت حتى نام وشيكت على الجوال ولقيت نفس هالزفت صديقه مرسله صور ومقاطع والمشكله ان زوجي المؤدب يرسل لصديقه مقاطع وهذاك مايقصر
مايحتاج اقول وش حسيت فيه ووش شعوري وقتها انتم عارفين
بس ماقلت لزوجي ولا شي وسكت بصراحه ما ادري وش اسوي اكمل سكوتي والا ابينله اني عارفه والا وش السواااات
لاتقولون وش دخل صديقه لأنه مابدا يسوي هالحركات الا من بعد ماسكن هالصديق بمدينتنا
انا ماودي اسوي مشكله الحين لأن عنده اختبارات نهائيه للجامعه ومابي اشغله بالمشاكل مهما كان دراسته بعد مهمه ولازم يجيب نتيجه
كل اللي سويته اني ماخليته يسهر لحاله وكل شوي طابه عليه بالمجلس طبعا مقدر ارابط عنده 24 ساعه لانه يبي يذاكر ومايبي ازعاج العيال
اللي ابيه من الحكيمات ينصحوني وش اسوي اطنش والا وشو
ولو طنشت تتوقعون بيجي يوم ويترك هالخرابيط والا بتأثر على حياتنا
على فكره انا مابيه يبطل علشان غيرانه عليه وبس اكيد بغار وبنقهر بس انا مابيه يتعود على هالاشياء ويكسب ذنوب انا دايم انبهه اننا ماراح نطول بهالدنيا وماتسوى علينا نسوي معاصي وذنوب وننبسط شوي ويتفاعل معي ويقول صادقه وهو حريص على صلاته خاصة الفجر وطييييب وحبيب بصراحه كل اللي خايفه منه يدمن على هالاشياء ومايقدر يبطلها بعدين
كأني كثرت بالحكي :35:
يلزم عليك تسجيل الدخول أولًا لكتابة تعليق.
(برج الطائف)
•
استغفرالله
السسديم
•
الله يسخررره لك يااارب ويبعد عنه اصدقاء السسوء
من جد البلاااا كله ماايجي الا من بعض الاصدقاء
يفيدونك البنات ان شاءلله
من جد البلاااا كله ماايجي الا من بعض الاصدقاء
يفيدونك البنات ان شاءلله
كل الشباب الحين كذا إلا مارحم ربي عليك بالدعاء إدعي بصلاة الليل وبكل وقت له بالهدايه وإن الله يخليه يكره هالأشياء ويبعده عنها
سارونه زوجك نظيييييييف إلحقيه وانقذيه من هالوسخ
وادعي ليل ونهار إن الله يحول بينه وبين اصحاب السوء ويبدله خيراً منهم
سارونه وريه مقاطع يعني كذا بشكل تلقائي قوليله حابه تشوف هذاي المقاطع مره صدمتني
وهي
مقاطع فيديو عن(موت الافجئة) وبعد مايندمج وهو نفسه يقلب ويقلب ويتأثر هذيك الساعه كلميه من كل قلبك وكانك شايفته بعيونك بيطيح في النار كلميه وسأليه ظامن مايموت هو فجئه وهو على هذي القذارة
والله الإنسان كرمه الله
واللي ينزل لدرجة هذا الوحل قسماً بالله الخنازير اكرم منه
ماقول غير الله يثبتنا على كل مايرضى ويحب ويبعدنا ويكفينا كل مايكره ويُبغض وازواجنا وذرياتنا وجميع المسلمين
زووووووووووووووووجك عامود بيتك
لاتتركينه يتلطخ بالوحل ونتي فيك ذرة قدرة وحدة
وبعد تعبك كله لو مانفع
تبرئي من ذمبه امام الله
وادعي ليل ونهار إن الله يحول بينه وبين اصحاب السوء ويبدله خيراً منهم
سارونه وريه مقاطع يعني كذا بشكل تلقائي قوليله حابه تشوف هذاي المقاطع مره صدمتني
وهي
مقاطع فيديو عن(موت الافجئة) وبعد مايندمج وهو نفسه يقلب ويقلب ويتأثر هذيك الساعه كلميه من كل قلبك وكانك شايفته بعيونك بيطيح في النار كلميه وسأليه ظامن مايموت هو فجئه وهو على هذي القذارة
والله الإنسان كرمه الله
واللي ينزل لدرجة هذا الوحل قسماً بالله الخنازير اكرم منه
ماقول غير الله يثبتنا على كل مايرضى ويحب ويبعدنا ويكفينا كل مايكره ويُبغض وازواجنا وذرياتنا وجميع المسلمين
زووووووووووووووووجك عامود بيتك
لاتتركينه يتلطخ بالوحل ونتي فيك ذرة قدرة وحدة
وبعد تعبك كله لو مانفع
تبرئي من ذمبه امام الله
الصفحة الأخيرة