حدود خدمة الزوج

السلام عليكم ورحمة الله وبركاته


اخواتي حابه استشيركم في موضوع واتمنى القى الاجابه من ذوات الخبره والفاهمات والعارفات في حقوق الزوج


في البدايه راح احكي لكم موقف حصل لي مع زوجي صباح اليوم

طبعا انا وزوجي على خلاف من اسبوع بسبب بسيط لكن الامر تطور واتهمني اتهامات ماهي فيني اني لا احترمه وارفع صوتي والى اخر والله انها ماهي فيني وسبب الخلاف اني رديت على الجوال وهو بالسياره وقلت يالا يلا نازله هو عودني ان الجوال للمكالمات السريعه حتى هو مايسلم يقول اللي يبي على عجل فزعل يقول ماتزوجتك تصارخين علي مع اني ماصارخت كنت مستعجله لا اتاخر عليه والعجله طبيعي بيصاحبها صوت عالي مو هادي وبارد


المهم اتهامته لي واني ما احترمته ولاقوم بواجباته جرحتني في الصميم

عدت الايم اللي راحت اقوم بواجباته وانا ساكته ما اكلمه

امس بالليل طلب مني اعمل له مساج وعملت رفض اروح لجارتنا اللي عازمتني وجلست عنده نومت عيالي الساعه 12 بالليل وعلى مابدلت وغسلت خلصت على وحده الا وجيت انسدحت على السرير هو نايم طبعا من 10 قال قومي سوي عشا قلت ابشر وقمت

طول ما انا نايمه بالليل يمكن الساعه 2 قومني عطيني البطانيه والساعه 3 قومني افتحي الشباك والساعه 5 يمكن قومني سكري الشباك ومره سكري الباب وكل مره اقوم وانا ساكته الساع 7 قومني سوي فطور
وقمت وعملت فطور لما رجعت بعد الفطور بانام لقيته مشغل اللمبه وبيجلس يسولف مع بنته صحت على ازعاجه قلت له دامكم بتسولفون باطلع انام بالمجلس قال لا استني نخلص سوالف علشان تطفين اللمبه
قلت وش هالمبدا هذ اوقف الين تخلصون واطفي اللمبه قال بعصبيه خلاص خلاص طفيها وطفيتها جيت انام لقيتهم يسولفون ما اتحمل الازعاج
على فكره انا بصعوبه انام لو اقوم اثناء الليل يبي لي ساعه علشان اقدر ارجع اناالمهم طلعت ورحت المجلس ما ارتحت بعد ماسكتوا ونامو رجعت على الساع 8 ونص ونمت الساعه 9 ولدي صحا ويبي حليب على طول فز زوجي قومي اعطيه حليب وقمت اعطيته حليب ووديته الحمام الساعه 10 الصبح صحاني قال قومي سوي قهوه الحمدلله ماكان في قهوه قلت مافي قال قومي بناتك فطريهم المهم مايبيني نايمه

خلاص هنا ماعاد قدرت اتحمل قلت انا ابي انام مانمنا امس زين
قال الحمدلله نمنا كويس قلت انت اللي نمت
لكن انا لا كم مره قومتني قومي عشا قومي شباك قومي بطانيه قومي فطور ...الخ انا مانمت وابي انام واذا تبيني اقوم البنات فانا باسلمهم للخدامه وبارجع انام

قال وش قصدك ماتبين تخدمن
قلت اخدمك على عيني وراسي لكن اثناء النهار وقت نومي ملكي وهو وقت راحتي
قال الحريم الوحده تتمنى زوجها يطلبها علشان تخدمه يعني ماتبيني اقومك قلت على الضروري مو كل شيء حتى انا بشر وابي ارتاح

على فكره الطبيعه هذه في زوجي من تزوجته لي 6 سنوات وهذا حاله عطيني مويه يقومني لو منديل قومني شغلي المكيف طفيه يقومني

كنت متحمله وعلى عيني وراسي ولا قد تضجرت بالعكس استمتع بخدمته لكن عقب كلامه الاسبوع اللي راح والصدمه الللي سببها لي
صرت افكر انه انا السبب لاني تنازلت من الاساس عن حقوقي واذا قال ابي نطيت على طول وفي النهايه مو مبين في عينه وهذا اللي خلاني انفجر اليوم

المهم زعل مني وقال ابشري اذا ماجبت وحده تخدمني بدون ماتتضجر

قلت انا ماتضجرت من خدمتك لكن مو معقول كل شوي مقومني من النوم

قال اســألي شيخ وقولي انا زوجي كل شوي يقومني في اللليل يبي من اخدمه وش بيقولك
قلت كوييييييييييييييييس ابكلمه قدامك ابيك تسمع وش يقول

الحمدلله اني مسلمه والاسلام حط حدود لخدمتك
وانا على حسب معلومتي ومعرفتي انه مايحق له يصحيني كل شوي على اشياء تافهه زي كذا الفطور والعشا على عيني وراسي لكن ناولني البطانيه عطيني مويه سكري الباب لحفيني اشياء يقدر يسويها ما اعتقد ان الدين ذل المرا لهذه الدرجه
يبي له خدامه مو زوجه

ماعندي مشكله يصحيني واخدمه لكن بحدود مو على كل شيء وكاني خدامه ولست زوجه وشريكة حياه


ياليت ياخواتي تعطون رايكم على الموقف وهل انا مخطئه واذا كنت كيف اقدر اصلح الموقف


الامور بيننا مايعلمها الا الله مدري وش السالفه


دعواتكم ان الله يفرج همي وينصرني