fa600m

fa600m @fa600m

عضوة فعالة

مع او ضد ابرة الظهر

الحمل والإنجاب

انا مقررين لي قيصري باذن الله

هل تؤيدوني اخذ ابره الظهر اللي تقعد بالظهر 3 ايام
او اكتفي بابرة الظهر حقت العملية القيصريه

معها او ضدها ؟
9
1K

يلزم عليك تسجيل الدخول أولًا لكتابة تعليق.

تسجيل دخول

(: lara23
(: lara23
اخذت ال2 بالقيصري صراحه الاولى ارحم واخف وجع اذا توجعتي ع طول يحطون مسكن فيها حتى بعد ماتقومين من البنج ماتحسين بشي عكس اللي بوقت القيصري كنت بموت من الوجع اول ما خلص البنج لين اعطوني مسكن
--am fahd--
--am fahd--
رفع
ورد جوري 666
ورد جوري 666
انا جربتها بالطبيعي يعني اعطوني اياها ثم مركبين انبوب لزياده الجرعه او تخفيفها لين خلصت الولاده وتخيطت ..ريحتني من الم الطلق الفظييع بعد ماكنت اتلوى منه صرت اطقطق ع الواتس لين وقت الدفع والحمدلله حتى عند الخياطه نمت لاني كنت مواصله انصحكم فيها انا بكريه بالتوفيق 
همسات الشوق
همسات الشوق
حبيبتي شوفي موضوعي عن تجربه أنا ضدها
من قالك اذا توجعتي يحطون المسكن فيها ع طول الابره محددين لها جرعه معينه اما كل 12 ساعه او كل 8 ساعات ونسب متفاوته
صراحه اول مايعطوني المسكن في الابره ارتاح مرررره بس مفعوله قصير يمكن ساعتين وخلاص يبدأ الالم وبعدها يعطوني مسكن خفيف في الوريد يعني عن طريق المغذي واذا طلبتهم يعطوني في ظهري يرفضون
واصلاً مايعطيك حقت الظهر الا دكتور التخدير شخصياً يجي يعطيك المسكن فلما طلبته يقرب مابين الجرعات رفض قال محددين لك كل 12 ساعه وجرعه معينه لازم نلتزم فيها
ومكان الابره والله ظل يوجعني يمكن ثلاث اسابيع واحيان الحين تجيني نغزات
لو الله كتب وسويت قيصري ثاني ماراح اطلبها
nouf ahmad
nouf ahmad
أبرة الظهر تختلف بتجربتها حسب خبرة طبيب التخدير
و كمان حسب تقبل الجسم لها فيه ناس تنفع و هم الغالبيه و فيه
ناس لا ما تنفع لهم و يصير معاهم مضاعفات بعدها
قريبيتي تولد قيصري قبل كم شهر ولدت
أخذت الأبره و ما تخدرت زين لما بدو بفتح بطنها
بدت تصرخ كانت تحس بألم الفتح و زادو لها جرعة المخدر
و تعب قلبها و لولا رحمة الله و لطفه فيها كان راحت لكن الحمد لله مرت
على خير و سلام

و أنا جربتها في بكري قبل 11 سنه في مدينة الملك فهد الطبيه
كان المستشفى وقتها جديد و مع الأسف حطوني حقل تجارب لهم
في البدايه دخلو على متدربين شباب و بنات
بدون أذني و ما كنت أعرف حقوقي وقتها أنو لازم بإذن مني :(
و ركبو لي أبرة الظهر حتى بدون ما يسألوني و لأني وقتها صغيره ما كملت 18 سنه
و كنت جاهله كثير
ما كنت أعرف إيش هيا أبرة الظهر و لا حتى كانت معروفه وقتها مثل الحين
و أستسلمت حسبت الموضوع أجباري لكل وحده بتولد
و ما تخدرت كنت أحس بألم الدفع صحيح الطلق خف وجعه لكن
ما تخفف الألم وقت خروج الطفل و سببت لي ألم بظهري شهور طويله و صداع
أحس النفس يدخل من مكان الأبره و ما أقدر أمشي مسافات طويله ظهري
يوجعني و أحسه بينقص من الوسط و نفس الشيء كنت جاهله و أضن
هالوجع بسبب تعب الحمل و ما أكتشفت أنه من الأبره إلا بعد ما تعرفت
عليها و على أعراضها الجانبيه


الأن الطب تطور كثير كثير الحمد لله
لكن مستحيل أرجع أجربها
و نصيحتي لكل وحده تستخير مره و مرتين و ثلاث و عشر
قبل تسويها أو تتخذ إي قرار