![[[[[mnor]]]]](https://cdn.hawaaworld.com/images/user_avatar.png){kind=avatar}
كل عام وانتم بالف خير
هذا اول موضوع لي بالمنتدى والله ماكتبته الا من حبي لكم ومن بعد ماشفت معاناة البنات والمتزوجات من هالمشكلة اللي مقلقتهم ومنغصه عليهم حياتهم بنات اولا توكلوا على الله قبل كل شي ثانيا اذكروا الله ماشااااااااء الله لاقوة الابا الله
بالبداية اقولكم عن نفسي ومعاناتي والحمدالله ع كل حال عمري 25 متزوجة واكيد بعد اكثر من حمل وولادة الجسم راح يكون دمار خاصة للي كانوا سمان ثم نحفوا
يابنات واقسم بالله اني مابالغت بأي كلمه قلتها لكم انا اعاني من السلوليت والترهلات بشكل والله مايوصف اللي يشوف اردافي وفخوذي يقول هذا ابد عمرها بالسبعينات السلوليييييييت عندي فضيييييييييييع خيالي تراي اقصد السلوليت موالتشققات لا السلوليت اللي يخلي البشره فيها تعرجات كثيره وحفر ومطبات
طبعا انا من النوع العجااااااااااز اكره الكريمات والرياضه ولااستمر اصلا فيها ف دائما كنت ابحث عن علاج لازالة السلوليت والاقي من هالخلطات من خل تفاح وزيت زيتون وكريمات ولااقتنعت الابمنتج اعتبره الحل السحري لهالمشكلة بعد فضل رب العالمين اللي هو مجموعة بيزلين للتنحيف وصقل الجسم لاتشترونها كاملة فقط اشتروا الفرشة شكلها مدور ولها اسنان عريضة واشتروا معها جل لصقل الجسم من المجموعة وهذي صورته
تحطون من الجل ع المكان المراد شده وصقله وتقومين تفركين وتدلكين بالفرشة بحركات دائرية باتجاه عقارب الساعه وبعدها مشطي فخذك من تحت لفوق خليك شديدة شوي لاتكونين ناعمة ولاجفسه تقطعين جلدك سوي هالطريقة مرتين باليوم ولازم يابنات ماتقل المده وانتي تدلكين عن 10 دقايق لكل منطقة يعني لااااااااااااااازم الصبر الصبر الصبر يابنات طبعا تلاقين الفرشة والجل بالصيدلية بس سعره بالضبط ماأتذكره
طبعا بقولكم ان السر يكمن ف الحركات والتدليك بالفرشاة هي اهم بكثير من الجل انا بصراحة بعد ما انتهى جل بيزلين استخدمت جل نيفيا باي باي سيلوليت واللي ماتلاقي الجلين تستخدم اي كريم اهم شي تدليك بنفس الطريقة اللي ذكرت فوق ولازم يكون بالفرشااااااااااااااااااااة
هذا يابنات بالنسبة للسلوليت اما بالنسبة للترهلات اااااااااااه يالترهلات وما ادراك ماالترهلات قالوا حلها الوحيد الرياضه صدق الرياضة تشد بس لازم تتطوليييين والنتيجة بطيئة ف قريت عن مشروب خيااااااااااااالي واتعب وانا اقول خيااالي مثل السحر ف شد الجسم طبعا نسيت اقولكم انا اعاني من الترهلات من الدرجة الاولى مع مرتبة الشرف تخيلوا اذا جلست رجليني مايعه خاصة فخوذي يعني مو مشدودة ومدوره اه كم تمنيت اكون مشدودة تخيلوا ان جسمي مو مترهل الا متهددددل ويتخابط من الترهل فسمعت عن هالمشروب وبالفعل قاومت وشربته ترا طعمه مر بس مقبول نوعاا ما ولاحظت باقل من اسبوعين ولله الحمد والمنه
يوه قبل لا انسى اقولكم المشروب اللي هو اللبان المر اخذ مقدار نص كاس لبان مر واحط عليه 3كاسات مويه عاديه واخليه ع النار يغلي غلوه وحده بس واصفيه اخذ من موية اللبان مقدار نص كاس وازيده مويه عاديه نص كاس واشربه قبل النوم يوميا والباقي من اللبان المر احفظه بالثلاجة
هذي صورته للي ماتعرفه
تلاقينه عند العطار بيعرفه ع طول احيانا يسمونه بلبان شحري او لبان ذكر
ووالله لو وحده منكم استمرت باللي انا ذكرته مدة شهر واحد ان تطلع وحده ثانية عن جد النتيجة تخليك تستمرين وتجاهدين نفسك والله الطريقة سهلة بس يبيلها شوية صبر وراح تتمتعون بأذن الله بأحلى اجسام للأسف انا ما استمريت لشهر تعبت ووقفت وان شاء الله برجع اكمل
وبالنهاية اتمنى الكل يستفيد من هالموضوع مثل مانا استفدت منكم كثيييير وابيكم تبشروني بالنتايج عشان احس اني رديت لو جزء بسيط من جمايلكم
دعواتكم لي بتحقيق امنياتي وربي يخليلي احبابي ويمدنا بالصحه والعافية
ملاحظة اخيرة ما امانع ابدا من نقل موضوعي شرط نسبته لي واللي مايهما الموضوع ترفعه الله يرفع قدرها عشان يشوفنه اكبر قدر من البنات اللي يعانون واسفة جدا ع الأطالة
نقلته لهذا القسم احسه انسب من قسم البشرة