قصتي مع اﻻستغفار وسورة البقره واستجابة الله لدعائي

      السلام عليكم ورحمة الله وبركاته 
انا عضوه جديده عليكم واتمنى اﻻقي مكان بينكم 
بصراحه استفدت منكم الكثير وكنت متابعه فقط حاولت اسجل بس ماقدرت عشان اﻻيميل والحوسه والحين الحمد لله مو مصدقه اني سجلت 
موضوعي طويل شوي ابي اذكر فيه كل التفاصيل 
بالبدايه
انا بنت متوسطة الجمال ذات اخلاق بشهادة الجميع
ماشاء الله تبارك الرحمن بدت قصتي 
لما وصلث 3 ثانوي انخطبت صديقتي و2 من بنات عمي المقربات وكلهم بنفس عمري واصغر انا هنا وقفت مع نفسي وفكرت بالزواج وليش هم يتزوجون وانا ﻻ والله ماكان تفكيري الزواج بس كنت ابي اصير مثلهم مابي احس بالفرق عنهم وصرت اقول لو يخطبني احد ماراح ارفض ابي اتزوج ومره من المرات جزمت بالدعاء صرت اقوم الليل وادعي ربي صرت اقرا سورة البقره ليليا واستغفر ربي كثير 
والله يابنات وصلت فيني الدرجه اﻻ اني اصلي تحت المطر وادعي ربي كل شي سويته صدقه ودعاء واستغفار هذا كان بالعطله ولما جاء رمضان اصلي بالمسجد وادعي بكل طاقتي ^^للمعلوميه انا كنت متدينه من صغري وﻻ البس عاري وﻻ قصير ابد ولله الحمد ومحافظه على صلواتي والسنن بعد
     بس هالمره كنت اتصدق واستغفر وادعي بنية     الزواج خلص رمضان وجاء العيد كنت توي صاحيه من النوم قالت امي انخطبتي انا هنا انصدمت قالت تو اتصل عمك وخبرني ﻻن ابوي متوفي 
قالت لي فلان اللي خطبك (يصير لنا من الجماعه) انا انصدمت وترددت كثير عشان اهله كنت خايفه منهم وبعد مشاورات مع امي رفضته وردينا لهم الخبر 
المهم خلصت العطله وتزوجوا البنات 
ودخلت الجامعه ودخلوني قسمي اللي ابيه ﻻني نسبتي عاليه ولله الحمد 
انسجمت مع الجامعه وكانت كل تفكيري دراستي كنت لما اشوف وحده متزوجه اقول يوه الله يعينها كيف بتوفق بين الجامعه والزواج ﻻني جربت الكرف والتعب
وكنت اضحك على نفسي قبل وقلت الحمد لله اني ماتزوجت بنيت طموحاتي على دراستي كنت افكر ادرس دراسات عليا واتعمق اكثر المهم صار كل عقلي وتفكيري بالدراسه وخلصت السنه ونجحت بمعدل عالي ويشرف ماشاء الله 
جت العطله كنت لما احضر زواج وينسال عني مااهتم مثل قبل واطنش مو مفكره بالزواج ابد ابد وللمعلوميه ترى اغلب اللي يسالون عني عشان لبسي الساتر ولله الحمد وﻻ انا مو ذاك الجمال جدا عاديه وجت العطله وباحد اﻻيام  جاني خبر ان ام اللي خطبني بتجينا هي من جماعتنا 
انا ماعطيت الموضوع اهتمام ابد طبعا هم ساكنين بالرياض مو عندنا والكل استغرب زيارتها المفاجاه جتنا بالبيت طلعت وسلمت عليها كنت ﻻبسه لبس البيت وشكلي جدا عادي 
 الموهيم كنت بغرفتي واسمع اصوات نقاش حاد الموضوع ومافيه كانوا يقنعون امي توافق على الزواج وامي تقول مو بيدي بيد البنت انا مالي دخل وكانت امه ابي اسميها ام محمد تقول اقنعيها انتي امهاا وراح تسمع منك وبالاخير قالت نادو البنت ابيها  جيت انا قالت لي ام محمد انا جايه وكلي امل انك ماراح ترفضيني انا ابيك واللي تبين نسويه لك كملي دراستك وبيت لحالك واللي تبغين نسويه لك انا من داخلي اتذكر الجامعه والشقى وساكته وخايفه ومتردده 
وهي تتكلم وتتكلم وفجاه سكتت قالت هاه وش رايك قمت انا وحبيت راسها قلت اعذريني ياخاله انا ماافكر اﻻ بدراستي ورجعت لغرفتي  
صح كسرت خاطري حيل وحسيت بتانيب الضمير بس اشجع نفسي واقول ﻻ عادي 
المهم راحت ام محمد ورجعت اوضاعنا 
كنت لما اطلع لخاﻻتي وﻻ لاحد الكل يهاوشني اني ماوافقت صاروا ينادوني يامحمد باستهبال كنت اطنش المهم بنفس العطله سافرنا للطائف سفره جماعيه كل العائله ومحمد معانا هو واخوانه جلسنا هناك اسبوعين 
المهم والله مااكذب عليكم كل مااجلس مع وحده تهاوشني ليش ارفض 
واحنا بالشاليه لفت انتباهي يابنات والله العظيم بديت الين واتراجع 
تخيلوا يابنات حتى اﻻطفال يجون يسولفون عندنا محمد سوى كذا وكذا كنت مااسمع اﻻ اسمه هو من قبل الكل يشهد له بس مدري وش فيني كاني مغمضه وتوني فتحت 
مااكذب عليكم حسيت اني بديت اميل له كانوا لما يتجمعون الشباب مع خالاتي وجداتي بالحوش طبعا البنات يدخلون كلهم 
كنت اسمع كلامه فعلا هذا اللي ابي انا وين عقلي وين كنت وكل مااسمع عن تصرفااته يعحبني اكثر واكثرر اﻻكيد اني اعدت حساباتي 
انتهت العطله وجاء رمضان 
 واعتمرنا برمضان كنت ادعي انه يرجع يخطبني مره ثانيه بس ينتظرني لحد مااخلص دراستي كنت ابيه بس ابي اكمل دراستي وبعدين اتزوج  
وبرمضان انعزمنا على مناسبه كبيره عندهم بالرياض ورحنا لهم كنت متوقعه امه وخواته راح يتغيرون علي


بليزز لحد يرد بكمل