من طلبات البنات لي ... طريقة لف السمبوسه

بصراحه في كم بنت اطلبت مني طريقة لف السمبوسه

وماحبيت ارد لهم هالطلب

والطريقه سهله لكن مع التمرين عليها راح تتعودينها وتشوفينها سهله

حضري معاي ورقه وتمرني على الطريقه :D هههههههههههه تخيلت نفسي في قسم الفنون اليدويه

وانا سويت التطبيق على ورقه لان مو متوفره عندي العجينه حاليا

نتابع الخطوات



نحط ورقة السمبوسه بهذا الشكل ونحط الحشوه عليها بالطرف



الحين نطبق العجينه على جنب من الرقم 1 تصير مثل رقم 2 وراح تصير عندنا شكل المثلث



الحين نطوي العجينه الي فوق ويستمر معاي شكل المثلث



نطويها على جنب



ونرد نطويها الى فوق مره ثانيه



ونرجع نطويها على جنب لما نوصل للطرف

والمختصر ان نبدي الطوي فيها على جنب وبعدها الى فوق وبعدها الجنب المعاكس وبعدها الى فوق وهكذاااااااااا حتى نصل للطرف وحتى لو تلاحظون حركة الاسهم راح تفهموني قصدي اكثر



بالاخر نلصق الطرف عليها بخلط القليل من الطحين مع الماء (نعمله مثل الصمغ للعجينه )



وبعدها تبدين تقلينها بعد ما تتاكدي انك سكرتيها زين

ان شاء الله الخطوات تكون واضحه لكم

وتدربو عليها باخذ ورقه وطبقو لما تتقنونها وراح تشوفون انها سهله وبسيطه

واي سؤال انا موجوده

:D