مشكورات حبايبي كلكم ما قصر تو الله يجز أكم الجنه أختي الغاليه ويبقى الأمل 2 دعواتي لأبيك ولك ولكل من تحبين بان يبلغكم الله تعالى شهر رمضان وانتم في أتم صحه وعافية ويعينكم على صيامه وقيامه وتكونون ممن يدرك ليلة القدر و ممن عتقه الله من النار

الشوربات خليها صحيه ونوعي مره شوربه عدس مره شوربه بالخضروات الغي الفيمتو والتانج والكريمه والجلي كلها سكريات ودمار استبدليها بعصائر طبيعيه ومهلبيات التمر والانانس بدال الجلي والكريمه اكلك خليه كله بالفرن افضل شي بدال الزيوت حاولوا تقللون المعجنات الي بدقيق الابيض واستبدلوها بدقيق اسمر وهاذي طريقه شوربه العدس مفيده ومغذيه 
انا صلحتها للشخصين عاد انتي ادبلي المقادير
نصف كوب عدس
1بطاطس كبيره
2جزر
ملفوف
2كوسه
1بصله كبيره
2طماطم
1فلفل بارد
حطيها بقدر وصبي مويه تغطي الخضروات فقط خليها تطبخ لحد ماتشوفين الخضروات استوت بس انتبهي ماتاخذ وقت بالكثير نص ساعه وبعدها بالخلاط كلها هي ومويتها وحطي معاهم كم فص ثوم واخلطي ورجعيها للقدر وحطي ملح وكمون وبهار خليها دقيقه دقيقتين على النار اذا ثقيله زيدي مويه وبعدين قدميها وافرمي على الوجه بقدونس تهبببل وصحية وماتاخذ وقت وادعيلي بالله ان الله يعطيني الي ببالي ويشفيني ويمتعني بصحة والعافيه

وهاذا سموثي صحي ومفيد للجسم
علبة زبادي
شوي حليب طازج قليل الدسم
1برتقاله
1تفاحه
10حبات عنب اخضر
10 حبات كرز
10حبات توت احمر
وبالخلاط وقدميه باكواب او علب للعصير وقصي فاكهه وحطيها بطرف الكوب او العلبه من فوق وحطي مزازات الوان بصراحه رهيب  

وهاذا حلا صحي اذا تبغونه بعد التراويح مع قهوه
بسكوت دايجستف بالنخاله وجيبي تمر وشيلي النواه ورشي عليه قرفه وغلفي البسكوت كله بالتمر وتكونين مجهزه كرون فليكس الي مكتوب على الكرتون حرفK هاذا صحي وغمسي البسكوته الي مغلفه بتمر بالكورن فليكس وقدميه بصحن 
وهاذي طريقة تمريه
تمر وبسكوت دايجستف مطحون اخلطيهم وكوريهم نص غمسيه بسمسم ونص بجوز هند ونص بقرفه 

جزاكن الله خير على الوصفات خاصه السمبوسه بالفرن 👌