هذا بعض الاصناف اللي مسويتها من فتره وصورتها ولانزلتها قلت انزل صورها مع بعض طبعا ماتجي شي جنب طباخاتنا الحلوات هنا فديتهم كلهم
هذا كباب مشوي
لحم مفروم وبصل مفروم وبقدونس مفروم وثوم مهروس بيضه وشوي بقسماط وبهارات وملح تعجن مع بعض ثم تكور صغيره او مثل الصوره ثم تقلى او تشوى انا هنا شويته ثم توضع في انا محكم ويوضع بينها فنجال قهوه زيت ثم يوضع فيه جمره ملتهبه ونحكم الاغلاق لدقيقتين ليتشرب الرائحه ويقدم مع البطاطس اذا تحبو
وهذا شيش طاووق دجاج خالي من العظم نتبله بزبادي وفلفل اسود وبهارات مشكله وشوي زيت وثوم مهروس وخليه يتبل ليله كامله بها التتبيله ثم يشك باعواد الخشب مع فلفل اخضر او ملون وبصل ويقلى بزيت او يشوى بالفرن او على الفحم بس انا احب القلي اذا ماتوفر الفحم هنا قليته
وهذا ربيان مقلي
تبلته حطيت بالخلاط 2 ثوم وبصله وشوي صوص صويا وملح وبهارات مشكله وفلفل اسود
وتبلتها فيها وخليتها حوالي نص ساعه بالثلاجه وكل ماطولت كل مازبط بعدين حطيتها بدقيق مملح ثم بيض ثم بقسماط وقليتها
وهذا يدام مقلي بطاطس مقطع مكعبات صغيره وباذنجان مقطع صغير وكوسه مقطعه صغيره وجزر مقطع صغير وفاصوليا ممقطعه صغير بعد
ويقلى كل نوع عل حده ثم كشني عادي على جنب بصل ثم فلفل اخضر ثم دجاج ثم طماط عادي يعني طريقتك المعتاده وملح وبهارات ثم حطي اللي قليتي عليها وخليها عالنار شوي تتسبك مع بعض ثم قدميها
وهذي سلطه مكرونه مدري صراحه وش اكتب مقاديرها لاني كل مره اسويها شكل من راسي
وهذي بعد سلطه
مكونه من جزر مقطع صغير وخيار وطماط وذره وفاصوليا حمرا وبنجر مقطع كل شريحه اعواد وزيتون اسود خلطتها مع بعض وتبلتها بزيت زيتون وخل ثم زينتها بصوص مكون من 2م زبادي و2 م مايونيز وخردل وشووووي كتشب هنا ماكان متواجد الكتشب معاي
وهذي طبقتها من وحده بمنتدى ثاني والله ضيعت الرابط صراحه كانت جدا لذيذه وان شاء الله ادورها واكتبها لكم
ودمتم ان شاء الله يعجبكم
