- ::..السلام عليكم ورحمة الله وبركاتة ::..
- ابي اسوي عزيمة لصديقاتي مثل ما واضح في العنوان<< ماجبتي شي جديد
- ومب عارفه شنو الأطباق اللي أقدمها هم تقريبا 6 بنات و بيكونو موجودين على العصر للعشاء ومب عارفه هل أقدم الحلويات والموالح والعشا كل بنفس الوقت ولا الحلويات والموالح وبعدين العشا ؟؟
- ابي افكار للأطباق وإذا ممكن مع الرابط . أنا فكرت أسوي فطاير مشكلة و لفائف التوست بالدجاج وطبعا السلطات والحمص و لفائف الجبن ويا الشبسات والحلويات ومدري شو بعد أبي السفره تكون كبيرة واطباق مميزة ابي افكار للتقديم و اكلات تكون سهلة وبسيطة لأن كلشي أنا بجهزه بروحي , أنتظر أفكاركم أعضاء حواء المبدعين وأشكركم مقدماً وحده وحده
- وفي النهايه عندي سؤال<<ماخلصتي
- متي أبدأ أطبخ الأكل من الصبح ولا أجهزه قبلها بيوم والباقي نفس اليوم ؟ متحيره في الوقت لن هاذي ثاني مره أعزمهم المره الأولي كان في خفايف والعشي من المطعم بس ها المره أبي كل شي شغل إيدي وبس<<أحلفي
- اتمني تعطوني أفكار وحركات وهيكك يعني أعرفكم ماتقصرون وراعين واجب <<تتمصلح
- وفي حفظ الرحمن أنتظر ردودكم :)
.....................................>
الحلويات : كيكة بسكوت اللوتس (وايد لذيذة) ممكن تعملينها على شكل كب كيك ،، حلى السنافر لذيذ وسريع ، بسبوسة محشية ، حلى كاسات في انواع ابحثي بالنت وشكله حلو للتقديم أو سلطة فواكه جدا منعشة ،، لا تكثرين حلويات يكفي صنفين وقدميه بعد العشاء
المعجنات: سبرنغ رول، فطائر التوست بالدجاج، بيتزا ، سمبوسة خضار، بأن كيك و التشبس المقلية أو بالفرن
الطبق الرئيسي : مكرونة بالبشميل، صينية دجاج بالفرن مع الخضار، مشاوي، محاشي، ولا تنسين السلطة و ممكن شوربة
عصائر طازجة أفضل طبعا ..
أبدي جهزي الحلويات الصباح وحطينها بالثلاجة مثل الكيك و حلى الكاسات والسنافر عشان تكسبين الوقت .. وبعدها أبدي بالمعجنات والطبق الرئيسي .. و بخصوص التقديم دشي النت وايد أفكار روعه بتلاقين .. بالتوفيق