مشكورة
سوينا لها تحليل واشعه

وقال ان البول مايظهر كامل يبقى بالمثانه عشان كذا تكرر البول



بس انا خايفه ليه شالمشكله انه مايظهر كامل

عطيها كل يوم ملعقة عسل على الريق وسمي قولي بسم الله الشافي المعافي ولا تنسين تطمنينا عنهااا

يا لحن ياحلوه اذا للحين تشرب بنتك الحليب بالرضاعه فراح اتشوفين نهر النيل كل يوم حتى اذا نامت لازم حفاضه ان بنتي قطعتها عنها وخليتها بالكاس اللي بالصيدليه هو للاطفال مادري وش اسمه وما تشرب الا الصباح والعصر بس حتى تصير تتشتهي تاكل من الاكل المفيد لان الحليب يسد نفسها
معلومه ماادري اذا محتاجه لها والا تفيد غيرك

عاااااادي هذا شيء طبيعي لانها تحاول تفرغ المثانه عشان ما تسويها على نفسها وانتي تقولين مالها اسبوعين لا تحكمي عليها الا بعد كم شهر توها مسكينه تتعلم ويمكن انتي تهدديها عشان كذا حتى لو حست بشيء بسيط طلبت الحمام وانتي بكرامه واذا تشرب بسم الله عليها من ست لعشر اكواب سوائل يعتبر هالشيء طبيعي جدا جربي يوم تخففي لها السوائل وما راح تطلب الا في فترات متباعده ومعلومه ممكن تفيدك مهما رحتي لاي دكتور ما راح يقولك شيء قبل ست سنوات لان قبل هالسن يعتبرون حتى التبول اللا ارادي طبيعي بعد الست سنوات يقدرون يحددون اذا الموضوع مقلق او لا

لالالا عااااااادي لاتخافين حبيبتي

انا عودت ولدي على الحمام ومثل بنتك كل شوي يروح يتبول في الحمام ومثلك خفت عليه لكن ظهر انه يشرب حليب بالرضاعة وسوايل عشان كذا يتكرر البول كل شوي
وترى طبيعي ان البول مايظهر كله يبقى شوي في المثانة حتى الكبار كذا عادي يعني مايعتبر احتباس لان الاحتباس يكون يبي الحام ومايطلع الاشوي

يلا طولنا عليك----الله يحفظ بنتك يااااارب