اهلا حبيبتي ..

انا اخذت اسبوعين فقط من الشهر التاسع ..

انا اتذكر ها اليوم كأنه امس

اتذكر ان الدكتوره قالت لي موعد ولادتك 30 من الشهر

فقلت لاهلي وحمولتي بالموعد لانهم كانوا مشتقين علي مره

لكن قبل باسبوعين من ها الموعد نزل بطن فجاءه بشكل غرييييييب

يمكن لاني كنت امشي كل يوم لان الدكتوره نصحتني بالمشي لانه يسهل الولاده

المهم ذاك اليوم في الليل طلعت امشي مع زوجي واتذكر اني مشيت كثيييير مره

والغريب سبحان الله ان أمي كلمتني في نفس اليوم وانا امشي وتسألني عن موعد ولادتي

فقلت لها يمه انا قلت لك 30 قالت ايه بس ابطمن عليك انتي منتيب في المستشفى ؟؟

قلت لها يمه وش يوديني للمستشفى توني باقي لي اسبوعين من التاسع

قالت خليني اكلم زوجك علشان اطمن وحلف لها زوجي انا نتمشي مو بالمستشفى

وقعدت اضحك انا وزوجي على امي ونقول اكيد محلمه يا عمري !!!!!

والله بعدها ارجع للبيت وانا ما اشوف قدامي من التعب وانوم على طول

يوم جت الساعه 6 الصباح واقوم ابصلي الفجر المهم والله يا بنات ما اكذب عليكم

رحت اتوضيت وصليت ورجعت للسرير ابنوم الا واشوف بقعت مويه كبيره في السرير

انهبلت قلت من وين جات المويه هذي واشوف ملابسي من وراء الا كلها مويه

والله ذيك الساعه احس ان قلبي اقبض يعني والله والله ما حسيت باي شي ابداااااا

لدرجة اني كلمت وحده من خواتي على طول قلت لها انا معي مويه وش معناتها انا ما احس

باي الم قالت لي سمي بالله وخذي شنطتك وروحي المستشفى قومت زوجي قلت له قم

وانا يالله اتنفس من الروعه والاخ في سابع نومه ما فيه امل يقوم رايح فيها مخليت يمشي

كيلو مترات امس المهم قلت له ((((((( ابولد ))))))) والله يا بنات ما انسى شكل وجه

كأنه يبغى ينحاش مني خايف .. ويطير يلبس ويشغل السياره

المهم رحنا للمستشفى الصباح وكانت ولادتي المغرب ..



عاد الي بين الصباح والمغرب اسراااااااار انصحكم ما تسألون اي احد مجرب عنها ..


وبس ..

حبيبتي لا تخافين انا ولدت ولدين توأم في اسبوعهم الاول من التاسع ومافيهم الا العافيه

انا اعرف شعورك بالخوف تطمني اهم شي انك تتوكلين على الله صدقيني ربي مايخيب عبدج توكل عليه


الله يفرج عليك يارب واوصيك بالتمر وانتي تمشين كثري منه والله انا مجربته ولاده هينه بشكل ما تتخيلينه ما حسيت بألم الا خفيف حتى الدكتوره قامت تهلل وتذكر الله تقولي انت وش مسويه قلت لها اكلت تمر وقريت سورة يس وتوكلت على الله

ان شاء الله بتلقين خير

انا ولدت بعد اسبوعين من التاسع ولى صديقتى ولدت بعد 5 ايام من التاسع وابنها ما شاء اللة بخير المهم انك تدخلى التاسع ولو يوم:26:

انا للحين ماخذه اسبوعين من التاسع وموعد ولادتي 19/5 والدكتورة قالتلي شكلك بتكملين الاسبوعين الباقيات..:(

ارييييييييييييييد اولد بسرعة .... تعبت :(

اخواتي انا وضعت طفلي قبل الموعد المحدد كان موعد ولاتي 19/11/2003 ولدت 4/11/2003
وكان الرحم مفتوح 2سم قبل الولاده اسبوع كامل لدرجة ان عطتني الدكتورة تحميل تبرد الطلق وقال زوجي لاتخذيها
واخذتها يوم واحد بس بعدين تركتها وبعدها بسبوع نزل دم خفيف في حزة الظهر مرحة الطبيب الا الساعه 1 ليلا
وكشفت على وجدت الرحم مفتوح 6سم ودخلة غرفة الولادة الساعة 2.5 ثنتين ونصف ولدت الساعة6 صباحاوالحمد الله على النعم والولاده كانت سهل
وراح اكتب البرنامج الاستفاده الاني ستفت من الاخوات الى في المنتدى وايد

اول مادخلة التاسع بدية امشي نصف ساعة باليوم
واوصيكم بتمر والعسل الطبيعي اذاحسيتي بعراض الولادة او مفتوح 2سم وقبل لتروحين الطبيب راح يساعدك وايد وعن تجربه يعطيكي قوة وطاقة الطلق وصراح شى عجيب ستعملته قبل مروح الطبيب فنجان قهوه عربيةعسل وتمر تكلينه كثر ماتغدرين