يا بنت يا الله صكي الخط صكيه !! لا ابغى اتعرف ولا ابغى صداقه !!

الأدب النبطي والفصيح


يابنـت يالله صـكـي الـخـط صكـيـه
لاابغى أتعرف لا ولاأبغى علاقة

ماني من اللي نغمةالصوت تغريه
ولاني من اللي يشحنون البطاقة

أنـا علـى درب الرجاجيـل ساعيـه
سلـمٍ عطانيـه الزمـن والرفاقـه

ماهوب سلم اللـي تعـدى مباديـه
كنه مخلي فوق راسـه طباقـة

مـرات "كابـوريـا" ومــرات "كـاريـه
دايم مكانه فـي محـل الحلاقـة

وياكثرهـم كانـك تبيـن "الدهاديـه"
اللي يشوف الثـور ويقـول ناقـة

كلمـة "الـو" ويجـيـك: لبـيـه لبـيـه
عنده على زود السفاهة طفاقة

لكـن نصيحـة مـن "...." وتنبـيـه
بعض الخطأ يوجع ويذبح طراقه

لا يخدعـك حكـيٍ يسليـك راعـيـه
مهما لقيتي في لسانه طلاقـة

شـيٍ تشوفينه تسـلـي وترفـيـه
باكـر تشوفينـه خـطـأ وانـزلاقـة
يعني خذيها كاش من دون تمويه
مالك ومال المعرفه والصداقه





منقووووول
6
1K

يلزم عليك تسجيل الدخول أولًا لكتابة تعليق.

تسجيل دخول

بطة ام محمد
بطة ام محمد
قصيدة جميله للشاعر

صالح عبد العزيز

من القصيم


وشكرا على ايرادها
العفيفة2
العفيفة2
أنـا علـى درب الرجاجيـل ساعيـه
سلـمٍ عطانيـه الزمـن والرفاقـه


كفوووووووو والله
حنا بدو
حنا بدو
مـــــــــــــــــــــاشــــــاء الله



اختيار موفق..



يسلمووو ياقلبوووو



في انتظار الجديد
Oo الــدخيــله oO
صح لسانه وسلمت يمناك
طبعي كذا&
طبعي كذا&
تصوير رائع ونفس عاليه نضيفه هاذي هي الشيمه
سلمت يمناك وصح لسانه