مشكلة صديقتي مع خطيبها ياليت تساعدونها..

السلام عليكم

بنات ابي اقول لكم عن سالفة صديقتي باختصار

ياطويلات العمر صديقتي مخطوبة من متزوج ..خطبها لان مافي توافق مع زوجته الاولى ومايبي ينفصل عنها عشان العيال

انخطبت في الفترة اللي كان يدرس فيها في الخارج

كان جدا محترم معها واسلوب وتعامل راقي من انسان راقي في الاساس

وهي بعد ماقصرت معه ووقفت معه في غربته وحاولت تساعده بكل اللي تقدر عليه

المهم اتخرج خطيبها والحمدالله ورجع للسعوديه واتوظف بعد انتظار 4 شهور

وعلى فكرة هو خلص دراسته من هنا وهي راحت تدرس في الخارج وكان الاتفاق انهم يتزوجون

بعد ماتخلص هي دراستها مباشرة

لكن اول مارجع السعودية تقريبا اتغيرت معاملته معها بالتدريج الى ماوصل الموضوع للمشاكل ..اساس المشاكل كان بسبب تغيره في المعامله لدرجة ان موضوع الزواج احتمال كبير يتفركش

كلمها قريب واتناقشوا بهدوء عن الوضع اللي صار وكيف اتحول اللي بينهم وسالته وحاولت تفهم منه اذا التغير اللي صار بسبب ان وضعه رجع طبيعي مع زوجته الاولى وهل مرتاح حاليا معها ؟قال لها ابدا لا

وعلى فكرة هو منفصل عن زوجته يعني هو في مدينة وهي في مدينة بحكم انه كان يدور على وظيفة والحين له شهر متوظف ومارجع زوجته ولاعياله

المهم بعد نقاش طويل صارحها بانه صار ينفر من النساء بشكل عام يعني ينفر من زوجته ومنها هي بعد وهو مستغرب من حالته وقبل كذا قال لها انه امر باكتئاب شديد لدرجة ان علاقته مع الناس اتاثرت

وش السبب على قولته مايدري مع انه على قولة صديقتي يحبها ومايقدر يستغنى عنه

شكت البنت انه ممكن يكون فيه عين وخصوصا ان الحالة هذي ماصارت له الابعد مارجع السعوديه واول كان جدا طبيعي

وصته انه يكثر من الاستغفار ويقرا سورة البقرة او يسمعها على الاقل ويقرا بعد المعوذات وييحاول انه يقوي علاقته مع ربي والغريبة قال لها انه حتى لما يبي يقرا المعوذات مايقدر يكملها وانه ماصار في صلاته مثل اول!!

المهم بنات هل تتوقعون الرجال فيه عين او شي ؟ وش تنصحونها ؟صحيح انه جرحها كثير من خلال تعامله معها وكلامه الجارح وفكرت كثير تنفصل عنه بشكل نهائي لكن تحس انها لازم توقف معه في المشكلة اللي صايرة ..وش رايكم؟؟؟