هلا اخواتي من زمان عنكم بس متابعه بصمت
سعوديه ذوق نصيحه مني مدامك في ايجار
لاتاثثين شيء غالي
انا سكنت بشقه تبع زوجي وخسرت عليها مبلغ حول الثلاثين الف للبويه والمطبخ والحمامات الله يكرمكم وكل شيء غيرته
وسيراميك كنت مختاره شيء مره حلو وكان المتر غالي بس زوجي لما راح يشتريه اخذ شيء مقارب له وارخص انا في البدايه زعلت لاني ابي ازين شيء
وبعدها بفتره قالوا غيروا الشقه لان زوجي صار مدير وبيعطونا شقه اكبر بعد ماسكنا ب5شهور بس رحت وشفت الشقه الكبيره لانها يبيلها حول ال50 الف وعيت <شفتوا اقتصاديه> لاني خسرت في شقتي ولاتهنيت فيها
المهم واروحا اثث المجلس طقم كنب وطاولات واكسسوارات كلفني حول ال25الف ماانجلس عليه الا مرتين او ثلاث لان اهلي اذا جوني يجلسون في الصاله ويقولون حرام يتوسخ واهل زوجي مو دايم يجون عندي وحتى اذا جو يجلسون شوي ويروحون للمقلط اريح الجلسه فيه
والله كل مادخلت انضفه انقهر واموت حره لاني زينته مره بس الحين لو بطلع لبيت ملك ان شاءالله اكيد بغيره وهو جديد
انا من رايي انك تصلحين بيتك وتشترين اشياء حلوه بس ماتكون غاليه لاني متحسفه مرررره خليته فخم وحلو وصاروا الناس مايجلسون فيه خوف عليه وعلى فكره انا لو ابي اعزم بتكون في استراحه يعني ياسفاب الفلوس
وفيه محلات اثاثهم حلو واسعارهم حلوه فبل لاتشترين لفي ديرتك كلها بعدين قرري
هلا اخواتي من زمان عنكم بس متابعه بصمت
سعوديه ذوق نصيحه مني مدامك في ايجار
لاتاثثين شيء غالي...
اما ان الحرمة تصرفت بطريقة ترينها انها بخل ؟؟ علشان حنا ماتعودنا على الاستفادة من كل ماهو قابل للاستفادة ولو وحدة غربية
تصرفت هالتصرف كان نعجب بتصرفها ونقول شوفوا الغربيين احسن منا .