الماهرات ........ اقول وخري هناك بس قال ايش قال اجمع علب ببسي ما بقى الا ذي خوش والله











تعرفين هنا بامريكا من ضمن ادوات المطبخ في المحلات يبيعون شفتي عصارة البرتقال الكبس زيها بسحقت العلب المعدن مثل الببسي والسفن وغيرها واعجبتني الفكره واقول لو اشتريتها ابيعها على مين بالسعوديه على هنووود مهم مشترينها



بس من جد هالافكار جدا رائعه لكن لو كملتي الموضوع وحطيتو المراكز الموثوقه وافضل الاسعار لشراء المخلفات المعدنيه الورقيه والبلاستيك وغيرها صدقوني حيكون الموضوع قيم قيم قيم قيم جدا


واللي تقول نحط لوحه على العبايه ليه يا اختي احط لوحه اوديها للخياط يطرزها تطريز بظهر العبايه حملة حماية البيئه من المخلفات


ويا حلوه لا تجميع ولا هم يحزنون راس كالها كم سطل زباله وانتم بكرامه كبييييييييييير واطبع عليه فقط للعلب المعدنيه واحط مثال ببسي ميرندا سفن وغيرها

واصك السطل الثاني بلاستيك

الثالث الورق

الرابع كراتين


واكتب عليها ساهمي بدفع الصدقات من مخلفاتك للفقراء والمساكين

وبعدين مهمتي اروح اعمل لفه واسلم على هذي واطمن على العميده او المديره واشرب فنجال قهوه والا شاهي بعدين اشيك على المكان لا يكون احد رامي شي وبعدين الم سطولي وافضيها بالدينااا اللي جايه فيها

الدينا هي السياره الكبيره ام حوض بحط فيها 4 اقسام خاصه بكل نوع من النفايات

وخلاص ارسل الشحنه للمستفيد مباشره ويالله من فضلك


يعني امممممممممممم وش احتاج خلنا نفكر سوااا

بحتاج سطول داخل المكراز والمباني

سياره مقسمه حسب التصنيف

سواق ولو كان سعودي برااافو بدل الجلسه وتكبير الوساده

4 بنات سعوديات عاطلات وكل ما كانو محتاجين كان افضل لمدارس البنات والجامعات والمعاهد والادارات النسائيه والمستشفيات والمشاغل والاماكن الترفيهيه النسائيه
4شباب سعودي عاطل وكل ما كانو محتاجين كان افضل للمدارس والجامعات والمعاهد وجميع الدوائر الحكوميه والمستشفيات
عاد الشباب بالطوهات ابيض وعليها شعار تعني بحماية البيئه من خلال جمع المخلفات


راتب السواق والبنات راح يكون من الدخل اللي راح يطلع من جمع المخلفات واللي سهلت علينا المهمه السطول اللي موضح عليها التصنيف والعباره الخاصه بالصدقه لانها هي اللي تساهم وتشجع البنات للمساعده وتسهيل الامور

عاد كل وحده تعمل مسح لمنطقتها كم مدرسه وكم جامعه وكم معهد يا سلام


والله الفكره جدا رائعه اهنيك عليها وعلى فكره تراها طرت في بالي من زمااان بس على مين هنا الكلام

رغم اني كنت مدرسه في مدرسه وصاحبة المدرسه من راعية الملايين الله يبارك لها في مالها وحلالها وتعتبر من اغنى سيدات المملكه ان لم تكن على المستوى العربي

والله حاطه فكرة السطول هذي يعني مهي بحاجة 4 ريال لكن ممكن تساهم في دفع راتب موظفه عندها ومخليتهم يعلمون الاطفال من الروضه انهم ما يرمون الا ومصنفين الاشياء مجمع تعليمي بنات واولاد من حضانه الى الثانوي وكلهم من اصحاب الطبقات الراقيه جدا ومن ال سعود بعد ومع ذلك يصنفون نفاياتهم اذا ايش اللي يمنع من انك انت يالمحتاج تصنف نفاياتك وتستفيد من مخلفاتك ونسحقر مثل هالامور واحنا بامس الحاجه للريال الواحد في ظل الغلا وليس فقط الغلا بل شح المواد الاساسيه للمعيشه


كانه اعجبني الموضوع

اقول يا ويل وحده بكره اشوفها مسويه فكرتي ترا انا اللي بسويها اجي الاقيكم تزاحموني عند المدارس مافيه ترا ما راح اجي والا سيارة المرور معاااي ههههههههههههههههههههههههههه <<<تبي تدخل القوه العاشره معاها ههههههههههههه


الماهرات ..... اهنيك القسم محتاج لمثل هذي الافكار وانا اول وحده محتاجه لمثل هذي الافكار بس ليتكم مكملين الموضوع وحاطين اماكن وارقام تساعدنا

بنات انا اشتري منكم الكيلو بريال جمعوه في كرتون واشحنوه على منطقتي عن طريق زاجل ولا تدفعون قيمة الشحن انا ادفعها

حتى الورقيه وخصوصا المجلات والله فيها مواضيع جدا قيمه احتاجها اخذ المفيد وبعدين اودي الباقي للتدوير سبق وارسلت لكذا وحده قالو عندنا مجلات كثيره حقت لها وسيدتي ووغيرها ويبون يصرفونها وقلت لهم هذا عنواني بس ارسليها حطيها باي كرتون واشحنيها ولا تدفعين ريال واحد انا بدفع الشحن قالو ابشري ولا شفت شي الله المستعان شكل احد ارسلهم قالو بندفع لكم على كل كيلو ريال وتركوني


ترا راح اتابع الموضوع وراح نشوف ايش فيه افكار نثري فيه الموضوع الين يصير مرجع للجميع

ياهلا ياختي بس مع احترامي لفكرتك الا ان اساسها غلط المفروض نقاطع البيبسي مو نشتري وبكميات كبيره حتى على قولتك نجمع كيلو علب مو افضل نجمع الورق والجرايد اللي قريناها ويستفاد منها اما البيبسي مرفوض عندي وشكرا لك هذا مجرد رايي وليس انتقاد

الاخت حبه فيروز اشكرك على ابداء رايك بطريقه مهذبه وذوق وانا ياعزيزتي انا اللهم شفت الفكره في منتدا ثاني وقلت انقلها

لكم علكم تستفيدون منها مش شرط الا الببسي ممكن اي شيء ثاني وانا ماقلت روحوا بشوارع ودوروا علب الببسي

اودوروا على الجامعات والمدارس انا اقول الي موجود عندكم وبنسبه للاخت نيراز من عاشر قوم اربعين يوم صارمنهم

اسلوب غريب ورد اول مره اشوف زيه يمكن الغربه لهادور في انها تخلي الواحد كذا وانا اشوف انك ماتابعتيه الا انه معجبك

وترى انا حاطه الموضوع لناس المحتاجه افكار زي كذا وعلى قول الاداره الرجاء عدم الرد

اعرف بنات يبيعون الورق والمناديل بس ماعمري سألتهم بكم وكيف

اذا ممكن ياالماهرات؟
زي ايش المحلات اللي ابيعها عليهم؟
ارجو الرد...............