شوفو حركة الدكتورة معاية

السلام عليكم ورحمة الله وبركاته

فضفضه لكم ماعندي احد افضفض له غيركم
انا موظفه ودوامي من الظهر الى المغرب اجباري
اهلي في مدينه ثانيه بعيده شويه عني وزوجي يشتغل في نفس المدينه اللي فيها اهلي
عندي ولد الله يخليه
بس بحكم دوامي المسائي مالقيت احد اخلي ولدي عنده
ام زوجي عندها تحفيظ وماتصبر على حركات ولدي
وماعندي شغاله
اضطريت ارسل ولدي لاهلي مع ابوه ونهاية الاسبوع يجون
اليوم تعبت جاني دوخه وتنمل وخفقان
كلمت زوجي واستاذنت منه اروح مع السواق اللي يوصلني للدوام لاقرب مستوصف مني ووافق
رحت المستوصف وطلبت قياس ضغط في الطواري
قاست لي السستر قالت 90 على 60 لازم تطلعين للدكتورة ضغطك منخفض
رحت سويت كشف وطلعت للدكتوره ومن الدوخه بالقوه طلعت لها
دخلت عندها
سالتني عن عمري
وهل انا متزوجه او لا
وبعدين قالت اش عندك
ويوم شرحت لها حالتي
رجعت سالتني انتي موظفه والا في البيت
قلت لا موظفه
يااااااااالله كاني مسويه لها شئ عظيم
اعطتني نظره مررررره مالها داعي
قالت اطلعي على السرير
قاست لي الضغط وكشفت عليه
ورجعت لمكتبها
وبنفس النظره قالت مافيك شئ كله طبيعي
قلت والضغط
قالت طبيعي
قلت اللي في الطوارئ تقول منخفض
قالت اذا كان 90 على 60 في عمرك وانتي صغيره عادي مايعتبر منخفض
مع اني اذا رحت اي مستوصف ثاني على طول يعطوني ابر ومحلول
قالت اللي اشوفه مافيكي شئ يمكن ماخذه دور برد على قولتها
حسيت من اسلوبها وكشفها انها تقول حتى لو فيكي شئ ماراح اقول خايفه اطلب منها اجازه تحسبني ادعي المرض
كتبت لي بنادول (تخيلوا )
مريت البقاله واخذت لي حوامض والله كريم
احس اكثر المجتمع نظرته واحده للموظفه
انها بس مرتاحه وتدور على راحتها حتى لو بالكذب
اذا حاطه في بالها الشئ هذا وطلعتني من عندها بدون ماتكشف زي الناس اش اقول بس مااقول الا الله المستعان ويعيننا على اللي فينا
يعلم الله اللي فينا مكفينا مايحتاج تجي وتزودها علينا
الله يسامح اللي كان السبب