يسيطرعلي شعور الانتقام

لما الوحده تتنهان في كرامتها وتصبر وتصبر وتصبر ويروح عمرها
واهي صابره علا امل ان هلرجال في يوم من الايام ينصلح حاله
او يحس او يندم لما الوحده تحس انها حالها حال اي كنبه في البيت
لما الوحده تعرف وتدري ان زوجها خانها مع اكثر من حرمه
وسكتت علشان عيالها لما يسبها في شرفها واهي عفيفه شريفه
وتخاف الله لما الوحده تكتشف ان زوجها يتنصت علا مكالمتها مع
اهلها ويسمع صوت خواتها لما الوحده تعيش محرومه من جاره
او اهل او طلعات لما يتزوج عليها مسيار ويطلق ويتستر بلدين
واهو كذاب لما الحرمه تحس انها متعه بس ولا لها اي حقوق
لما تعيشين مدمره نفسين ويسيطر عليك كره هلرجال وعشرته
انتقامي راح يكون طلاقي الي ماني قادره اتخذه من عشرين
سنه لما اشوف حب اولادي ولمتهم حولي وولدي الصغير الي
يجي يطلع رجولي من تحت الحاف ويبوسها لما اشوفه
ياخذ نعالي الله يكرمكم من عند الباب ويحضنها ويقول نعال ماما
يكسرني يكسرني وبنتي الي تجي من المدرسه وتحضني وتبوس
راسي يموتوا فيني لاني انا الي ربيتهم لوحدي ماكان حنون عليهم
انا الي احن عليهم حتا ضرب ماضربهم ماناديهم باساميهم اناديهم 
بحبايبي وبعيوني احس بطلاقي راح انتصر لكرامتي وراح انتقم منه
ودي اطرد هلشعور الي مسيطر علي ودي بس محتاره اكمل رغم
الالم ومشاعر الكره له او اطلق واحرم عيالي من اغلا حب عندهم